નવી દિલ્હી: ભારતની યુવા ટેબલ ટેનિસ ખેલાડી શ્રીજા અકુલાએ સિંગાપોરની ઝેંગ જિયાન સામે 4-2થી શાનદાર જીત મેળવીને પ્રી-ક્વાર્ટર ફાઇનલમાં પોતાનું સ્થાન બનાવી લીધું છે. આ સાથે અકુલાએ પોતાના દેશબંધુ ખેલાડીની સિદ્ધિની બરાબરી કરી લીધી છે. વાસ્તવમાં, મનિકા બત્રા ટેબલ ટેનિસની પ્રી-ક્વાર્ટર ફાઇનલમાં પ્રવેશનારી પ્રથમ ભારતીય મહિલા ખેલાડી બની હતી. હવે શ્રીજા અકુલા રાઉન્ડ ઓફ 16 એટલે કે પ્રી-કાર્ટર ફાઈનલમાં પ્રવેશ કરીને ટેબલ ટેનિસની પ્રી-કાર્ટર ફાઇનલમાં પ્રવેશનારી ભારતની બીજી મહિલા ખેલાડી બની છે.
ઓલિમ્પિકમાં આજે ભારતીય ખેલાડીઓનો દબદબો: શ્રીજા અકુલા સિંગાપોરના ઝેંગ જિયાનને હરાવી પ્રી-ક્વાર્ટર ફાઇનલમાં પહોંચી... - PARIS OLYMPICS 2024
Published : Jul 31, 2024, 5:00 PM IST
ભારતીય ટેબલ ટેનિસ સ્ટાર શ્રીજા અકુલાએ બુધવારે તેના સિંગાપોરની હરીફ ઝેંગ જિયાન સામે શાનદાર રમતનું પ્રદર્શન કર્યું છે. જો કે શ્રીજા પ્રથમ ગેમ હારી ગઈ હતી, પરંતુ તે પછીની ત્રણ ગેમમાં કમબેક કરીને મેચ જીતી ગઈ છે, વાંચો વધુ આગળ... PARIS OLYMPICS 2024
કેવી રહી મેચ? :આ મેચનો પહેલો સેટ જિયાને જીત્યો હતો, ત્યારબાદ શ્રીજાએ બીજો (12-10), ત્રીજો (11-4) અને ચોથો સેટ (11-5) જીત્યો હતો. પાંચમા સેટમાં જિયાને ફરી વળતો પ્રહાર કર્યો અને સેટ 10-12થી જીતી લીધો. આ પછી અકુલાએ છઠ્ઠો સેટ 12-10થી જીતીને જોરદાર વાપસી કરી અને મેચ 4-2થી જીતી લીધી. આ સાથે તેણે રાઉન્ડ ઓફ 32માં શાનદાર પ્રદર્શન કરીને પ્રી-કાર્ટર ફાઇનલમાં સ્થાન બનાવી લીધું છે.
આ મેચમાં શ્રીજા અકુલાને તેના પ્રતિસ્પર્ધી ઝેંગ જિયાન તરફથી પણ આકરા પડકારનો સામનો કરવો પડ્યો હતો. તે પહેલા સેટમાં ઘણી પાછળ રહી ગઈ હતી. પરંતુ તેણે પુનરાગમન કર્યું અને આ પછી પણ તે પહેલો સેટ જીતી શકી નહીં. ત્યારબાદ તેણે હિંમતથી વળતો પ્રહાર કરીને તેના વિરોધીને હરાવી દીધી. હવે તે પ્રી-કાર્ટર ફાઈનલમાં પોતાની શ્રેષ્ઠ રમતનું પ્રદર્શન કરવા જઈ રહી છે.