આજના દિવસે ભારતીય ટીમના આ ત્રણ સ્ટાર ખેલાડીઓએ લીધો હતો જન્મ, જેમાંથી બે ગુજરાતી, જાણો તેમના વિશે રોમાંચક વાતો

આજે એટલે કે 6 ડિસેમ્બરે ભારતીય ક્રિકેટ ટીમના આ ત્રણ સ્ટાર ખેલાડીઓ તેમનો જન્મદિવસ ઉજવી રહ્યા છે. આ ખેલાડીઓ વિશે જાણો કેટલીક રસપ્રદ વાતો

હૈદરાબાદ: ઓસ્ટ્રેલિયાના એડિલેડમાં આજે ભારત - ઓસ્ટ્રેલિયા વચ્ચે બીજી ટેસ્ટ મેચનો પ્રથમ દિવસ શરૂ થઈ ગયો છે. આ મેચ ડે - નાઈટ મેચ છે જે પિંક બોલ વડે રમાઈ રહી છે. એવામાં આજે ભારતના આ 3 સ્ટાર ખેલાડીઓ જે આજે પણ ભારતીય ટીમમાં મહત્વનું સ્થાન ધરાવે છે તેઓ એકસાથે પોતાનો જન્મદિવસ ઉજવી રહ્યા છે.

આજે એટલે કે 6 ડિસેમ્બરના રોજ ગુજરાતનું ગૌરવપૂર્ણ એવા રવીન્દ્ર જાડેજા, સ્ટાર ફાસ્ટર બોલર જસપ્રિત બુમરાહ અને શ્રેયસ અય્યર આજે પોતાનો જન્મદિવસ ઉજવી રહ્યા છે. આ ખેલાડીઓ દ્વારા બનાવવામાં આવેલી કેટલીક સોનેરી ક્ષણોને ફરીથી જીવંત કરવાનો દિવસ છે, જેમણે પહેલાથી જ તમામ ફોર્મેટમાં ભારતીય ટીમમાં કાયમી સ્થાન મેળવ્યું છે. આ ત્રણેય રોહિત શર્માની આગેવાની હેઠળની ટીમનો મહત્વનો ભાગ હતો.

ભારતીય ટીમનો મુખ્ય બોલર જસપ્રિત બુમરાહ:

ટીમ ઈન્ડિયાનો ઘાતક ઝડપી બોલર જસપ્રિત બુમરાહ આજે 31 વર્ષનો થઈ ગયો છે. તેણે જાન્યુઆરી 2016માં આંતરરાષ્ટ્રીય ક્રિકેટમાં પ્રવેશ કર્યો હતો. અત્યાર સુધીમાં, બુમરાહે કુલ 30 ટેસ્ટ-128 વિકેટ, 89 ODI-149 વિકેટ અને 62 T20-74 વિકેટ ઝડપી છે. ટેસ્ટ ક્રિકેટની એક ઓવરમાં સૌથી વધુ રન બનાવવાનો રેકોર્ડ તેના નામે છે. બુમરાહે ઈંગ્લેન્ડના ફાસ્ટ બોલર સ્ટુઅર્ટ બ્રોડની ઓવરમાં 4 ચોગ્ગા અને 2 છગ્ગા સાથે 35 રન બનાવીને બધાને ચોંકાવી દીધા હતા. મૂળ ગુજરાતના આ ખેલાડીએ ભલભલા બેટ્સમેનના પરસેવા છોડી દીધા છે.

ઓલરાઉન્ડર રવિન્દ્ર જાડેજા:

વિશ્વના ઘાતક ટીમ ઈન્ડિયાના ઓલરાઉન્ડરોમાંના એક એવા રવિન્દ્ર જાડેજા આજે 36 વર્ષનો થઈ ગયા છે. જાડેજાએ ફેબ્રુઆરી 2009માં ભારત માટે ડેબ્યૂ કર્યું હતું. અત્યાર સુધીમાં, તેણે ભારત માટે 67 ટેસ્ટ રમી છે - 2804 રન અને 275 વિકેટ, 197 ODI - 2756 રન અને 220 વિકેટ અને 64 T20 - 457 રન અને 51 વિકેટ. ભારત માટે આંતરરાષ્ટ્રીય ક્રિકેટમાં 5000+ રન અને 500+ વિકેટ લેનાર સુપ્રસિદ્ધ કપિલ દેવ પછી જાડેજા માત્ર બીજો ખેલાડી છે. જે ગુજરાત માટે ખૂબ જ ગૌરવની વાત છે.

શ્રેયસ અય્યર:

ટીમ ઈન્ડિયાનો મિડલ ઓર્ડર બેટ્સમેન શ્રેયસ અય્યર આજે 30મો જન્મદિવસ ઉજવી રહ્યા છે. નવેમ્બર 2017માં તેનું આંતરરાષ્ટ્રીય ડેબ્યુ થયું હતું. અત્યાર સુધી અય્યરે ભારત માટે 10 ટેસ્ટ-666 રન, 58 ODI-2331 રન અને 51 T20-1104 રન રમ્યા છે. વર્લ્ડ કપ 2023માં, શ્રેયસ અય્યરે શાનદાર બેટિંગ કરી અને બે પાછળ બે સદી ફટકારી. ચોથા નંબર પર બેટિંગ કરીને તે વર્લ્ડ કપમાં 500 રન બનાવનાર પ્રથમ ખેલાડી બન્યો હતો.

આ પણ વાંચો: