તિલક વર્માએ અંતિમ ઓવરમાં અપાવી જીત, ભારતે બીજી T20 મેચમાં ઈંગ્લેન્ડને 2 વિકેટથી હરાવ્યું

ભારતીય ક્રિકેટ ટીમે બીજી T20 મેચમાં ઈંગ્લેન્ડને 2 વિકેટે હરાવ્યું છે. આ મેચમાં તિલક વર્માએ શાનદાર ઇનિંગ રમી હતી.

નવી દિલ્હી: ચેન્નાઈના એમએ ચિદમ્બરમ સ્ટેડિયમમાં રમાયેલી બીજી T20 મેચમાં ભારતીય ક્રિકેટ ટીમે ઈંગ્લેન્ડને 2 વિકેટે હરાવ્યું છે. આ મેચમાં ઈંગ્લેન્ડે પ્રથમ બેટિંગ કરતા 20 ઓવરમાં 9 વિકેટના નુકસાન પર 165 રન બનાવ્યા હતા. ટીમ ઈન્ડિયાએ ઈંગ્લેન્ડ દ્વારા આપવામાં આવેલા 166 રનના ટાર્ગેટને 19.2 ઓવરમાં 4 બોલ બાકી રહેતા 8 વિકેટ ગુમાવીને હાંસલ કરી લીધો અને મેચ 2 વિકેટથી જીતી લીધી. આ જીત સાથે, ભારતે રોમાંચક મેચમાં ઇંગ્લેન્ડને 2 વિકેટથી હરાવીને શ્રેણીમાં 2-0ની લીડ મેળવી લીધી છે: અભિષેક શર્મા અને સંજુ સેમસન ભારત માટે ઇનિંગ્સની શરૂઆત કરવા આવ્યા હતા, પરંતુ બંને ઓપનર તરત જ પેવેલિયન પરત ફર્યા હતા. અભિષેક 12 રન અને સંજુ 12 રન બનાવીને પેવેલિયન પરત ફર્યા હતા. આ પછી કેપ્ટન સૂર્યકુમાર યાદવ 12 રનના વ્યક્તિગત સ્કોર પર પેવેલિયન પરત ફર્યો હતો. ધ્રુવ જુરેલ અને હાર્દિક પંડ્યા પણ કઇ કમાલ બતાવી શક્યા ન હતા, જુરેલ 4 રન અને પંડ્યા 7 રન બનાવીને આઉટ થયા હતા.

તિલક વર્માએ શાનદાર બેટિંગ: ત્રીજા નંબરે બેટિંગ કરવા આવેલા તિલક વર્માએ આ મેચમાં ભારત તરફથી સૌથી વધુ રન બનાવ્યા હતા. તેણે 55 બોલમાં 4 ચોગ્ગા અને 5 ગગનચુંબી છગ્ગા વડે 72 અણનમ રનની શાનદાર ઇનિંગ રમી હતી. તેના સિવાય વોશિંગ્ટન સુંદરે પણ 19 બોલમાં 3 ચોગ્ગા અને 1 છગ્ગાની મદદથી 26 રનનું યોગદાન આપ્યું હતું. જ્યારે અક્ષર પટેલ 2 રન બનાવીને પેવેલિયન પરત ફર્યા હતા, ત્યારે અર્શદીપ સિંહે 6 રન અને રવિ બિશ્નોઈએ 9* રન બનાવ્યા હતા.

તિલક વર્માએ છેલ્લી ઓવરમાં ટીમને જીત અપાવી:તિલક વર્માએ રવિ બિશ્નોઈ સાથે મળીને ટીમને જીતની ઉંબરે પહોંચાડી હતી અને છેલ્લી ઓવરમાં જ્યારે ભારતને 6 બોલમાં જીતવા માટે 6 રનની જરૂર હતી ત્યારે તિલકએ 2 રન અને એક ફોર ફટકારીને ભારતને 2 વિકેટે જીત અપાવી હતી. ઈંગ્લેન્ડ તરફથી બ્રેડન કારસે સૌથી વધુ ત્રણ વિકેટ લીધી હતી. તેમના સિવાય જેમી ઓવરટોન, જોફ્રા આર્ચર, આદિલ રશીદ, માર્ક વુડ અને લિયામ લિંગીસ્ટોને 1-1 વિકેટ લીધી, ઈંગ્લેન્ડ તરફથી કેપ્ટન જોસ બટલરે 30 બોલમાં 2 ચોગ્ગા અને 3 છગ્ગાની મદદથી 45 રનની ઈનિંગ રમી. તેના સિવાય બ્રેડન કાર્સે 17 બોલમાં 1 ફોર અને 3 સિક્સરની મદદથી 31 રન બનાવ્યા હતા. જેમી સ્મિથના 22, આદિલ રશીદના 10 અને જોફ્રા આર્ચરના 12* રનના કારણે ઈંગ્લેન્ડે 20 ઓવરમાં 9 વિકેટ ગુમાવીને 165 રન બનાવ્યા હતા. ભારત તરફથી વરુણ ચક્રવર્તી અને અક્ષર પટેલે 2-2 જ્યારે અર્શદીપ સિંહ, વોશિંગ્ટન સુંદર, અભિષેક શર્મા અને હાર્દિક પંડ્યાએ 1-1 વિકેટ લીધી હતી.

આ પણ વાંચો: