વિદેશમાં ભારતીય મહિલા ટીમનું જબરદસ્ત પ્રદર્શન, ઇંગ્લેન્ડને હરાવી અંડર-19 વર્લ્ડ કપની ફાઇનલમાં કર્યો પ્રવેશ

મહિલા અંડર-19 ટી20 ક્રિકેટ વર્લ્ડ સેમિફાઇનલમાં ભારતીય ટીમ મહિલા ટીમે ઈંગ્લેન્ડને 9 વિકેટે મોટી હાર આપી ફાઇનલમાં પ્રવેશ કરી લીધો છે.

કુઆલાલંપુર: મહિલા અંડર-19 T20 ક્રિકેટ વર્લ્ડ કપ હાલમાં મલેશિયામાં ચાલી રહ્યો છે. જેમાં ભારતીય મહિલા ટીમ અને ઇંગ્લેન્ડની મહિલા ટીમ વચ્ચે સેમિફાઇનલ મેચ રમાઈ હતી. ભારતીય મહિલા ટીમે આ મેચ 9 વિકેટથી જીતી હતી. ભારતની જીત સાથે, ટુર્નામેન્ટમાં ઇંગ્લેન્ડની સફરનો અંત આવ્યો અને ટીમ ઇન્ડિયાએ ફાઇનલમાં પોતાનું સ્થાન નિશ્ચિત કરી લીધું છે. મહિલા અંડર-19 ટી20 વર્લ્ડ કપની ફાઇનલ મેચમાં ટીમ ઇન્ડિયા દક્ષિણ આફ્રિકા સામે રમશે. આ સાથે, ભારતીય મહિલા ટીમ સતત બીજી વખત સ્પર્ધાના ફાઇનલમાં પહોંચી છે.

મેચ કેવી રહી:

આ મેચની વાત કરીએ તો, આ મેચમાં ઇંગ્લેન્ડની ટીમે ટોસ જીતીને પહેલા બેટિંગ કરવાનો નિર્ણય લીધો હતો. આ પછી, તેની ટીમ બેટિંગ કરવા આવી પરંતુ 20 ઓવરમાં 8 વિકેટ ગુમાવ્યા બાદ માત્ર 113 રન જ બનાવી શકી. આ વખતે ટીમ ઈન્ડિયાના બોલરોએ શાનદાર પ્રદર્શન કર્યું. ભારત તરફથી વૈષ્ણવી શર્મા અને પરુણિકા સિસોદિયાએ ત્રણ-ત્રણ વિકેટ લીધી. આયુષી શુક્લાએ બે વિકેટ લીધી. ઈંગ્લેન્ડ તરફથી ફક્ત ડેવિના પેરિન અને એબી નોર્ગ્રોવે સારું પ્રદર્શન કર્યું. ડેવિના પેરિને 45 અને એબી નોર્ગ્રોવે 30 રન બનાવ્યા.

ટીમ ઈન્ડિયાએ સરળતાથી લક્ષ્ય હાંસલ કર્યું:

આ મેચમાં, ભારતીય ટીમે માત્ર 15 ઓવરમાં એક વિકેટ ગુમાવીને 117 રન બનાવીને 114 રનનો લક્ષ્યાંક પ્રાપ્ત કર્યો. ટીમ ઈન્ડિયા માટે આ મેચ જીતવી ખૂબ જ સરળ હતી. ભારતીય ઓપનરોએ પોતાના એકતરફી રમતથી મેચને પોતાના પક્ષમાં ફેરવી દીધી. જી. કમાલિની અને ગોંગડી ત્રિશાએ પ્રથમ વિકેટ માટે 60 રનની ભાગીદારી કરીને ટીમ ઈન્ડિયાને સારી શરૂઆત અપાવી. આ મેચમાં કમલિનીએ 56 રનની ઇનિંગ રમી હતી. ગોંગડીએ 35 રન બનાવ્યા. ટીમ ઈન્ડિયાની છેલ્લી મેચ 2 ફેબ્રુઆરીએ દક્ષિણ આફ્રિકા સામે રમાશે.

આ પણ વાંચો: