ટીમ ઈન્ડિયા ચેમ્પિયન્સ ટ્રોફી 2025 રમવા પાકિસ્તાન નહીં જાય , જાણો ક્યાં રમાશે ભારત - પાકિસ્તાનની મેચો?

ચેમ્પિયન્સ ટ્રોફી 2025 ટુર્નામેન્ટનું આયોજન હાઇબ્રિડ મોડલમાં કરવામાં આવશે. ભારત તેની મેચો ક્યાં રમશે? જાણવા માટે વાંચો આ અહેવાલ… CHAMPIONS TROPHY 2025 VENUE

નવી દિલ્હીઃ પાકિસ્તાન ક્રિકેટ બોર્ડ (PCB) દુનિયાના સૌથી ધનિક અને સૌથી શક્તિશાળી ક્રિકેટ બોર્ડ BCCIના આગ્રહ સામે ઝૂકી ગયું છે. આવતા વર્ષે ફેબ્રુઆરીમાં યોજાનારી ચેમ્પિયન્સ ટ્રોફીમાં રમવા માટે ટીમ ઈન્ડિયાની પાકિસ્તાનની મુલાકાત પહેલાથી જ પ્રશ્નોની જાળમાં ફસાઈ હતી. પરંતુ પીસીબી એ વાત પર અડગ હતું કે ભારતે તેની ટીમને આઈસીસી ટૂર્નામેન્ટ રમવા માટે અહીં મોકલવી જોઈએ. પરંતુ હવે તેના અગાઉના નિવેદનોથી પલટાઈને, પીસીબીએ ચેમ્પિયન્સ ટ્રોફી 2025નું શેડ્યૂલ હાઇબ્રિડ મોડલ હેઠળ રિલીઝ કરવા માટે સંમતિ દર્શાવી છે.

ચેમ્પિયન્સ ટ્રોફી હાઇબ્રિડ મોડલમાં યોજાશે

પીટીઆઈના અહેવાલ મુજબ, પીસીબી ભારતની માંગ સાથે સંમત છે કે, તેની મેચો યુએઈમાં યોજવામાં આવે, જેનો અર્થ છે કે, ટૂર્નામેન્ટ હાઇબ્રિડ મોડલ હેઠળ યોજવામાં આવશે. આ નિર્ણય પાછળનું કારણ એ છે કે ભારત સરકાર સામાજિક-રાજકીય અને સુરક્ષાની ચિંતાઓને કારણે રોહિત શર્મા અને કંપનીને પાકિસ્તાન જવાની પરવાનગી નહીં આપે.

ટીમ ઈન્ડિયા તેની મેચ દુબઈ અથવા શારજાહમાં રમશે

એશિયા કપ 2023 એ હાઈબ્રિડ મોડલ હેઠળ પાકિસ્તાનમાં યોજાયેલી છેલ્લી ટુર્નામેન્ટ હતી, જેમાં ભારતની મેચો શ્રીલંકામાં યોજાઈ હતી. પીસીબીના એક સૂત્રએ પીટીઆઈને કહ્યું, 'પીસીબીને લાગે છે કે જો ભારત સરકાર પાકિસ્તાન પ્રવાસને મંજૂરી ન આપે તો પણ શેડ્યૂલમાં કેટલાક ફેરફાર કરવામાં આવી શકે છે કારણ કે ભારત તેની મેચો દુબઈ અથવા શારજાહમાં રમશે'.

શિડ્યુલ 11 નવેમ્બરે જાહેર થઈ શકે છે

તમને જણાવી દઈએ કે, બીસીસીઆઈએ હજુ સુધી આ અંગે કોઈ અંતિમ નિર્ણય લીધો નથી. તેઓ નિર્ણય લેશે ત્યાં સુધીમાં જય શાહ ICCની અધ્યક્ષતા કરશે. પીસીબીના સૂત્રએ પીટીઆઈને એમ પણ જણાવ્યું કે બોર્ડ આગામી સપ્તાહ સુધીમાં શેડ્યૂલની જાહેરાત કરવા માટે આઈસીસી સાથે ચર્ચા કરી રહ્યું છે. સૂત્રએ કહ્યું, 'PCBએ ICC સાથે સંભવિત શેડ્યૂલ પર પણ ચર્ચા કરી છે જે તેમણે થોડા મહિના પહેલા મોકલ્યું હતું અને તે ઇચ્છે છે કે તે જ શેડ્યૂલ 11 નવેમ્બરે જાહેર કરવામાં આવે. પીસીબીએ આઈસીસીને કહ્યું છે કે સંશોધિત બજેટ સાથે બેક-અપ પ્લાન પહેલેથી જ અમલમાં છે, તેથી મેચોના સંભવિત શેડ્યૂલને રિલીઝ કરવામાં વિલંબ કરવાનો કોઈ અર્થ નથી.

બીસીસીઆઈએ લેખિતમાં આપવું જોઈએ…

પીસીબીએ આઈસીસીને ચેમ્પિયન્સ ટ્રોફી માટે પાકિસ્તાનમાં તેની હાજરીની પુષ્ટિ કરવા માટે બીસીસીઆઈ પર દબાણ લાવવાનો પણ અનુરોધ કર્યો છે. સૂત્રએ કહ્યું, 'PCB ઈચ્છે છે કે BCCI લેખિતમાં આપે કે શું તેમને તેમની સરકાર તરફથી તેમની ટીમને પાકિસ્તાન મોકલવાની મંજૂરી મળી છે કે નહીં.'

આ પણ વાંચો: