વોશિંગ્ટન :અમેરિકાના રાષ્ટ્રપતિ તરીકે ડોનાલ્ડ ટ્રમ્પે સત્તા સંભાળતાની સાથે જ ચૂંટણી દરમિયાન આપેલા વચનને પૂર્ણ કરવાનું શરૂ કરી દીધું છે. નવી સરકારના પહેલા જ દિવસે જ ઇમિગ્રેશન અને કસ્ટમ એન્ફોર્સમેન્ટે 300 થી વધુ ગેરકાયદેસર ઇમિગ્રન્ટ્સ સામે કાર્યવાહી કરી હતી.
ગેરકાયદેસર ઇમિગ્રન્ટ્સ સામે કાર્યવાહી :રાષ્ટ્રપતિ ટ્રમ્પના કાર્યકાળના પ્રથમ દિવસે ફેડરલ અધિકારીઓએ ગેરકાયદેસર ઇમિગ્રન્ટ્સ સામે મોટા પાયે ઝુંબેશ શરૂ કરી હતી. અનેક શહેરોમાં દરોડા પાડવામાં આવ્યા હતા. ઇમિગ્રેશન અને કસ્ટમ્સ એન્ફોર્સમેન્ટ (ICE) વિભાગના અધિકારીઓની આગેવાની હેઠળ બોસ્ટન, ડેનવર, ફિલાડેલ્ફિયા, એટલાન્ટા, સિએટલ, વોશિંગ્ટન ડીસી અને મિયામીની આસપાસના વિસ્તારોમાં મોટા પાયે ઓપરેશન હાથ ધરવામાં આવ્યું હતું.
એક દિવસમાં જ 300 લોકોની અટકાયત :આ ઓપરેશન દરમિયાન 300થી વધુ ગેરકાયદેસર ઇમિગ્રન્ટ્સની અટકાયત કરવામાં આવી, જેમાં વિવિધ ગુનાઓમાં સંડોવાયેલા લોકોની સંખ્યા વધુ હતી. પકડાયેલા ગેરકાયદેસર વસાહતીઓ વિવિધ ગુનાઓમાં સંડોવાયેલ હોવાનું જાણવા મળ્યું હતું, તેમને દેશનિકાલ માટે અટકાયતમાં લેવામાં આવ્યા હતા. 22 વર્ષીય તાજિકિસ્તાનના નાગરિક કોડિર માજીદોવને ફિલાડેલ્ફિયામાં ઇમિગ્રેશન અને કસ્ટમ્સ એન્ફોર્સમેન્ટ એજન્સી દ્વારા અટકાયતમાં લેવામાં આવ્યો હતો.
રાષ્ટ્રપતિ ટ્રમ્પનું આકરું વલણ :ડોનાલ્ડ ટ્રમ્પનું માનવું છે કે આવા લોકો દેશ માટે ખતરો છે. રિપોર્ટ અનુસાર અમેરિકામાં આવા લોકો મોટી સંખ્યામાં છે. તમને જણાવી દઈએ કે શપથ લીધા બાદ ડોનાલ્ડ ટ્રમ્પે 200 એક્ઝિક્યુટિવ ઓર્ડર પર હસ્તાક્ષર કર્યા હતા, જેમાં એક ગેરકાયદેસર ઈમિગ્રન્ટ્સને રોકવાનો પણ સમાવેશ થાય છે. ટ્રમ્પની ચૂંટણી રેલી અને શપથ ગ્રહણ સમારોહ દરમિયાન આપવામાં આવેલા ભાષણમાં તેમણે ગેરકાયદેસર ઇમિગ્રન્ટ્સને બહાર કરવાની વાત કરી છે.
- રાષ્ટ્રપતિ ટ્રમ્પના બર્થરાઈટ સિટીઝનશિપ ઓર્ડર પર યુએસ કોર્ટે સ્ટે આપ્યો
- અમેરિકી રાષ્ટ્રપતિ ટ્રમ્પે ભારત પર 100% ટેરિફ લાદવાની ધમકી આપી
