મુંબઈઃ સાઉથનો સુપરસ્ટાર પ્રભાસ આજે 23 ઓક્ટોબરે પોતાનો 45મો જન્મદિવસ સેલિબ્રેટ કરી રહ્યો છે. આ અવસર પર તેણે તેના ચાહકોને એક શાનદાર રિટર્ન ગિફ્ટ આપી છે. પ્રભાસે તેની આગામી ફિલ્મ ધ રાજા સાબનું મોશન પોસ્ટર રિલીઝ કર્યું છે. તાજેતરમાં જ નિર્માતાઓએ જાહેરાત કરી હતી કે તેઓ પ્રભાસના જન્મદિવસ પર કંઈક ખાસ લાવવાના છે. જે બાદ ફેન્સ ઉત્સાહિત થઈ ગયા હતા અને હવે આખરે પ્રભાસે ચાહકોની રાહનો અંત આણ્યો છે.
રાજા સાબનું મોશન પોસ્ટર રિલીઝ: પ્રભાસની ધ રાજા સાબના નિર્માતાઓએ મોસ્ટ અવેટેડ ફિલ્મનું ટીઝર રિલીઝ કર્યું છે. આમાં પ્રભાસનો એક અલગ અને નવો અવતાર જોવા મળી રહ્યો છે. પોસ્ટરમાં પ્રભાસ એક સિંહાસન પર બેઠો છે. તેનો લુક તેની અત્યાર સુધીની ફિલ્મોથી સાવ અલગ અને નવો છે. પોસ્ટર રીલિઝ કરતી વખતે મેકર્સે લખ્યું હતું કે, 'રોયલ બાય બ્લડ, રિબેલ બાય ચોઈસ, તે તેને લઈને જ રાખશે જે હંમેશા તેનું હતું'.
ડબલ રોલમાં જોવા મળશે!: પ્રભાસનું આ પોસ્ટર રિલીઝ થતાં જ ચાહકોએ કોમેન્ટ કરવાનું શરૂ કરી દીધું હતું. આ ફિલ્મમાં પ્રભાસ ડબલ રોલમાં હશે કે કેમ તેના પર મોટાભાગના ચાહકોનું ધ્યાન કેન્દ્રિત હતું. એક યુઝરે કોમેન્ટ કરી કે, 'ડબલ રોલ વાહ શું વાત છે'. એકે લખ્યું, 'શું પ્રભાસ દાદા અને પૌત્રની ભૂમિકા ભજવી રહ્યો છે? એક ચાહકે કોમેન્ટ કરી કે, 'કેવો દેખાવ છે, રિબેલ સ્ટાર હંમેશા રોક' એકે લખ્યું, 'હેપ્પી બર્થ ડે પ્રભાસ, તમે શું ગિફ્ટ આપી છે'.