હૈદરાબાદ: કે-ડ્રામા ઈન્ડસ્ટ્રીમાંથી દુઃખદ સમાચાર સામે આવ્યા છે. દક્ષિણ કોરિયાના લોકપ્રિય અભિનેતા સોંગ જે રિમનું નિધન થયું છે. કોરિયન અભિનેતાનું 39 વર્ષની વયે અવસાન થયું. 12 નવેમ્બરના રોજ, કોરિયન અભિનેતાની ડેડ બોડી તેના રૂમમાંથી મળી આવી હતી. કોરિયન અભિનેતાના મૃત્યુનું કારણ હજુ સુધી બહાર આવ્યું નથી. કોરિયન અભિનેતા સોંગના નિધનને કારણે, કે-ડ્રામા ઉદ્યોગમાં શોકનું મોજું ફરી વળ્યું છે અને અભિનેતાના ચાહકોને આઘાત લાગ્યો છે.
અભિનેતાના ઘરેથી મળી સુસાઈડ નોટ:મીડિયા રિપોર્ટ્સ અનુસાર, પોલીસે કોરિયન અભિનેતાના મૃત્યુની તપાસ શરૂ કરી દીધી છે અને તપાસ દરમિયાન અભિનેતાના ઘરેથી એક સુસાઈડ નોટ પણ મળી આવી છે. પ્રાથમિક તપાસમાં તેને આત્મહત્યા ગણાવવામાં આવી છે. કોરિયન અભિનેતાના નિધન પર તેના પરિવાર તરફથી હજુ સુધી કોઈ નિવેદન આવ્યું નથી અને પોલીસે હજુ સુધી આ મામલે કંઈ કહ્યું નથી.