હૈદરાબાદ :ફિલ્મ નિર્માતા રોહિત શેટ્ટીની આગામી કોપ યુનિવર્સ ફિલ્મ 'સિંઘમ અગેન' સિનેમાઘરોમાં રિલીઝ થવા માટે તૈયાર છે. આ ફિલ્મ આ વર્ષે દિવાળી પર સિનેમાઘરોમાં આવશે. રોહિત શેટ્ટીએ એક ખાસ પ્રોમો શેર કર્યો છે, અને સત્તાવાર રીતે 'સિંઘમ અગેન'ના ટ્રેલરની રિલીઝ તારીખ જાહેરાત કરી છે.
'સિંઘમ અગેન' ટ્રેલર રિલીઝ ડેટ :6 ઓક્ટોબરના રોજ રોહિત શેટ્ટીએ કૉપ યુનિવર્સની ઉજવણી કરતો એક વીડિયો રિલીઝ કર્યો છે. આ ક્લિપમાં અજય દેવગનનો બાજીરાવ સિંઘમ તરીકેનો નવો લૂક અને ફિલ્મના ટ્રેલરની રિલીઝની તારીખ બતાવવામાં આવી છે. ફિલ્મમાં પોલીસ ઓફિસરનો લુક એકદમ અલગ છે. પ્રોમો શેર કરતી વખતે રોહિત શેટ્ટીએ કેપ્શનમાં લખ્યું, 'કાલે (7 ઓક્ટોબર) ટ્રેલર રિલીઝ થશે.
'સિંઘમ અગેન' ટ્રેલર પ્રોમો :પ્રોમોની ઝલક શેર કરતાં અજય દેવગને પોતાના ઈન્સ્ટાગ્રામ પર એક પોસ્ટમાં લખ્યું કે, 'તહેવારો ફક્ત પરિવાર સાથે ઉજવવામાં આવે છે. આ દિવાળીએ મળીએ. અજય દેવગન અને રોહિત શેટ્ટીની ફિલ્મ 'સિંઘમ અગેન' નું ટ્રેલર 7 ઓક્ટોબર, 2024 ના રોજ રિલીઝ થશે.
રણવીર-અક્ષય પરત ફરશે ?રોહિત શેટ્ટી દ્વારા નિર્દેશિત 'સિંઘમ અગેન'માં અજય દેવગન સિંઘમના રોલમાં જોવા મળશે. જ્યારે રણવીર સિંહ અને અક્ષય કુમાર પણ સંગ્રામ ભાલેરાવ (સિમ્બા) અને વીર સૂર્યવંશી તરીકે પરત ફરશે. સિમ્બામાં રણવીરે અભિનય કર્યો હતો, જ્યારે અક્ષય સૂર્યવંશીમાં પોલીસકર્મીની ભૂમિકા ભજવતો જોવા મળ્યા હતા.
સિંઘમ અગેઈનની સ્ટાર કાસ્ટ :સિંઘમ અગેઈનની સ્ટાર કાસ્ટમાં દીપિકા પાદુકોણ, કરીના કપૂર ખાન, ટાઈગર શ્રોફ, અર્જુન કપૂર અને જેકી શ્રોફ જેવા સ્ટાર્સનું જોવા મળશે. રોહિત શેટ્ટીની એક્શન અને મનોરંજક ફિલ્મ આ દિવાળીએ સિનેમાઘરોમાં રિલીઝ થવા જઈ રહી છે. 'સિંઘમ અગેઇન' બોક્સ ઓફિસ પર કાર્તિક આર્યન, વિદ્યા બાલન અને તૃપ્તિ ડિમરીની 'ભૂલ ભુલૈયા 3' સાથે ટકરાશે.
- સલમાન ખાનની ફિલ્મ કીક 2, એક્ટરનો ફર્સ્ટ લુક આવ્યું સામે
- રજનીકાંતની ફિલ્મ 'વેટ્ટાયન'નું એડવાન્સ બુકિંગ શરૂ, ક્યારે રિલીઝ થશે
