Published : Apr 17, 2024, 3:39 PM IST
મુંબઈ:રાજસ્થાન રોયલ્સ સામે મેદાનમાં ઉતરેલી કોલકાતા નાઈટ રાઈડર્સની ટીમને 2 વિકેટે હારનો સામનો કરવો પડ્યો હતો. ટીમની હાર બાદ શાહરૂખ ખાન ભાવુક જોવા મળ્યો હતો. તેની ભાવનાત્મક તસવીરો સોશિયલ મીડિયા પર વાયરલ થઈ રહી છે. જુઓ વાયરલ વીડિયો અને તસવીરો...
શાહરૂખ ટીમને સપોર્ટ કરવા માટે આવ્યો: 16મી એપ્રિલની મેચમાં શાહરૂખ ખાન ટીમને સપોર્ટ કરવા માટે સ્ટેડીયમમાં મેચ જોવા આવ્યો હતો. કિંગ ખાનના ઘણા વીડિયો અને તસવીરો પણ સોશિયલ મીડિયા પર વાયરલ થઈ રહી છે. કેટલીક એવી તસવીરો છે જેણે તેના ફેન્સને ઈમોશનલ કરી દીધા છે.
ચાહકોએ 'ચક દે ઈન્ડિયા' કોચ કબીરના પાત્રને યાદ કર્યું: જ્યારે SRK એ મેચની શરૂઆત ખુશીથી કરી હતી, જ્યારે તેની ટીમ મેચ હારી જતાં સમાપ્તી આંસુ સાથે થઈ હતી. શાહરૂખ ખાનને ઈમોશનલ થતા જોઈને તેના ફેન્સ પણ ઈમોશનલ થઈ ગયા. સોશિયલ મીડિયા પર ચાહકોએ 'ચક દે ઈન્ડિયા'માં કિંગ ખાન અને તેના કોચ કબીરના આઇકોનિક પાત્ર વચ્ચે સમાનતા દર્શાવી હતી.
વિજેતા ટીમને અભિનંદન આપવા મેદાનમાં ગયો:જો કે, KKRના સહ-માલિક તરીકે, તે વિજેતા ટીમને અભિનંદન આપવા મેદાનમાં ગયો હતો અને નિરાશા વચ્ચે તેની ટીમના ખેલાડીઓને ખુશ કરવા અને તેની ટીમને પ્રોત્સાહિત કરવાનો પ્રયાસ કર્યો હતો.
RRએ 2 વિકેટે મેચ જીતી:RRએ ટોસ જીતીને પ્રથમ બોલિંગ કરવાનો નિર્ણય લીધો હતો. બેટિંગ કરવા ઉતરેલી KKRની ટીમે RRને 224 રનનો ટાર્ગેટ આપ્યો હતો, જેને RRએ 8 વિકેટ ગુમાવીને 2 વિકેટે જીતી લીધો હતો.
