અમદાવાદઃમહારાષ્ટ્રમાં ચૂંટણી પરિણામો આજે જાહેર થયા છે અને જે પ્રમાણેનું પરિણામ આવ્યું છે તેને લઈને એમવીએને મોટો ફટકો પડ્યો છે. પરંતુ હાલ આપણે અહીં ચૂંટણીના સમગ્ર ચિતાર અને પરિણામની નહીં પણ એક એવી બેઠકની વાત કરવા જઈ રહ્યા છીએ જેના પરિણામે સહુને ચોંકાવ્યા છે. આ બેઠક છે વરસોવા.
મહારાષ્ટ્રની વરસોવા બેઠક પર ફોર્મર બિગ બોસ ફેમ એજાઝ ખાને ચૂંટણી જંગ ખેલ્યો હતો. તેઓએ આ બેઠક પર આઝાદ સમાજ પાર્ટી તરફથી ચૂંટણી લડી હતી. જોકે આ બેઠક પર અન્ય ઘણા મજબૂત ઉમેદવારો તો હતા જ. પરંતુ આ બેઠક પર એજાઝ ખાન કે જે ઈન્સ્ટાગ્રામ પર 5.6 મિલિયન ફોલોઅર્સ છે. એટલે કે 5,600,000 જેટલા ફોલોઅર્સ છે. તેમની દાવેદારીને જોતા મતદાન પણ ધરખમ તેમના ભાગમાં આવશે તેવું લોકો માનતા હતા પરંતુ વાસ્તવીક્તા કાંઈક બીજી જ સામે આવી છે. એજાઝ ખાનને આ ચૂંટણીમાં માત્ર 155 મત હજુ સુધી મળી શક્યા છે. ફોલોઅર્સ આટલા હોવામાં અને મત મેળવવામાં કેટલું અંતર છે તે અહીં જોવા મળ્યું હતું.
આપને જણાવી દઈએ કે અહીં વરસોવા બેઠક પર હારુન ખાન કે જે ઉદ્ધવ ઠાકરેની શીવસેના તરફથી લડી રહ્યા છે તે ઓ જીતી ગયા છે. તેમને કુલ 65396 વોટ મળ્યા છે. જ્યારે ભાજપના સેકન્ડ રનરપ તરીકે ડૉ. ભારતી લાવેકરને 36796 મત મળ્યા છે. જોકે તે પછીના મોટાભાગના તમામ ઉમેદવારો દૂર દૂર સુધી આ બંનેને મળેલા વોટની નજીક નથી.
એજાઝ ખાનને મળેલા મતોને કારણે હવે સોશ્યલ મીડિયા તેમની પાછળ પડી ગયું છે. સોશ્યલ મીડિયા પર લોકો વિવિધ મિમ્સ બનાવી આ બેઠક પરના ચૂંટણી પરિણામોને લઈને મજાક કરી રહ્યા છે. મહારાષ્ટ્રમાં વસોરવા વિધાનસભા બેઠક ચર્ચાનો વિષય બની છે. ભૂતપૂર્વ બિગ બોસ સ્પર્ધક, અભિનેતા અને પોતાને મુંબઈના ભાઈજાન કહેતા એજાઝ ખાને પણ આ બેઠક પર ચૂંટણી લડી હતી. એજાઝે નગીના સાંસદ ચંદ્રશેખર આઝાદની આઝાદ સમાજ પાર્ટી વતી ચૂંટણી લડી હતી, પરંતુ એજાઝ ખાનને એટલા ઓછા મત મળ્યા છે કે હવે તેમની ચારેબાજુ ટીકા થઈ રહી છે. ઇજાઝના સોશિયલ મીડિયા પર લાખો ફોલોઅર્સ છે, તેમ છતાં તેને તેનો કોઈ ફાયદો મળ્યો નથી.
તમને જણાવી દઈએ કે, એજાઝને 4.1 મિલિયન ફેન્સ ફેસબુક પર અને 5.6 મિલિયન ફેન્સ ઈન્સ્ટાગ્રામ પર ફોલો કરે છે. આમ છતાં 22 રાઉન્ડની મતગણતરી બાદ અભિનેતાને માત્ર 155 વોટ મળ્યા હતા. તમને જણાવી દઈએ કે, વોટ મેળવવાનો આ આંકડો NOTA કરતા ઘણો ઓછો છે, જ્યારે 1298 લોકોએ NOTA પર બટન દબાવ્યું છે. તમને જણાવી દઈએ કે, આ વર્સોવા સીટ પર 20 નવેમ્બરે મતદાન થયું હતું.
કેરીએ મિનાતીને શરમમાં મૂકી દીધો
તમને જણાવી દઈએ કે, એજાઝ ખાન એક બેખૌફ અને ગરમ મિજાજી અભિનેતા છે. વિશ્વના લોકપ્રિય યુટ્યુબર્સમાંના એક ભારતના કેરી મિનાટીએ પણ તેને તેના વીડિયોમાં રોસ્ટ કર્યો હતો, જેના કારણે એજાઝ ખાને કેમેરાની સામે તેની માફી માંગી હતી. વીડિયોમાં બિગ બોસ 7નો ભાગ રહેલા એજાઝે પહેલા કેરીના ચહેરા પરથી ફેસ માસ્ક હટાવ્યો અને પછી હાથ જોડીને તેની માફી માંગી. વીડિયોમાં એજાઝે કહ્યું હતું કે, જુઓ ભાઈ, આ કેરી છે, તેણે મને રોસ્ટ કર્યો હતો, ચાલ દીકરા હવે ચાહકોની માફી માગો. આના પર કેરીએ કહ્યું, સર પ્લીઝ. તો તેના પર ઈજાઝે કહ્યું હતું કે, દીકરા, દરેક દરમાં હાથ ન નાખવો જોઈએ, કારણ કે દરેક દરમાં ઉંદર નથી હોતો, સાપ પણ હોઈ શકે છે. આ પછી કેરીને કેમેરા પર અજાને સોરી કહેવાની ફરજ પડી હતી.
- કેરળ: વાયનાડમાં પ્રિયંકા ગાંધીની પ્રચંડ જીત, 4 લાખથી વધુ મતથી જીત્યા, રાહુલનો તોડ્યો રેકોર્ડ
- Bypolls Results: કર્ણાટક પેટાચૂંટણીમાં કોંગ્રેસનો વિજય, અહીં 48 વિધાનસભા બેઠકોના પરિણામો જુઓ
