મુંબઈઃકારોબારી સપ્તાહના અંતિમ દિવસે ભારતીય શેરબજાર રિકવરી મોડમાં બંધ થયું છે. BSE પર સેન્સેક્સ 303 પોઈન્ટના ઉછાળા સાથે 81,310.53 પર બંધ રહ્યો હતો. જ્યારે NSE પર નિફ્ટી 0.48 ટકાના વધારા સાથે 24,869.35 પર બંધ થયો હતો.
આજના ટ્રેડિંગ દરમિયાન એક્સિસ બેન્ક, વિપ્રો, આઇશર મોટર્સ, ICICI બેન્ક, હિન્દાલ્કોના શેર્સ નિફ્ટી પર ટોપ ગેનર્સની યાદીમાં સામેલ હતા. જ્યારે ઈન્ફોસીસ, બ્રિટાનિયા ઈન્ડસ્ટ્રીઝ, નેસ્લે ઈન્ડિયા, HUL અને એશિયન પેઈન્ટ્સના શેર ટોપ લૂઝર્સની યાદીમાં સામેલ હતા.
- BSE મિડકેપ અને સ્મોલકેપ સૂચકાંકો સપાટ ટ્રેડ થયા હતા.
- સેક્ટરમાં, બેંક અને મેટલ 1 ટકાથી વધુ વધ્યા હતા, જ્યારે આઇટી ઇન્ડેક્સમાં 1 ટકાથી વધુનો ઘટાડો થયો હતો.
- FMCG ઇન્ડેક્સ 0.5 ટકા ઘટ્યો હતો.