મુંબઈઃ કારોબારી સપ્તાહના બીજા દિવસે શેરબજાર ગ્રીન ઝોનમાં બંધ થયું છે. BSE પર સેન્સેક્સ 58 પોઈન્ટના ઉછાળા સાથે 83,047.08 પર બંધ રહ્યો હતો. જ્યારે NSE પર નિફ્ટી 0.09 ટકાના વધારા સાથે 25,406.90 પર બંધ થયો હતો.
આજના ટ્રેડિંગ દરમિયાન, બ્રિટાનિયા ઇન્ડસ્ટ્રીઝ, SBI લાઇફ ઇન્સ્યોરન્સ, ડિવિસ લેબ્સ, શ્રીરામ ફાઇનાન્સ, અપોલો હોસ્પિટલના શેર્સ નિફ્ટી પર ટોપ ગેઇનર્સની યાદીમાં સામેલ હતા. જ્યારે ટાટા મોટર્સ, આઈશર મોટર્સ, મારુતિ સુઝુકી, અદાણી પોર્ટ્સ અને બીપીસીએલના શેર ટોપ લુઝર્સની યાદીમાં સામેલ હતા.
- ઓટો, મેટલ, મીડિયા સેક્ટરમાં 0.5 ટકાનો ઘટાડો થયો છે.
- BSE મિડકેપ ઇન્ડેક્સ સ્થિર રહ્યો હતો, જ્યારે સ્મોલકેપ ઇન્ડેક્સમાં થોડો ઘટાડો નોંધાયો હતો.
- સેન્સેક્સ અને નિફ્ટીમાં મંગળવારે ફાયદો જોવા મળ્યો હતો કારણ કે આજે રાત્રે શરૂ થનારી યુએસ ફેડની બે દિવસીય બેઠક પહેલા વેપારીઓ સાવચેત છે. FMCG શેર્સમાં નોંધપાત્ર ખરીદી જોવા મળી હતી.