મુંબઈ: ભારતીય શેરબજારમાં ભારે વેચવાલીથી રોકાણકારોને મોટું નુકસાન થયું છે. મંગળવાર, 4 જૂને ટ્રેડિંગ દરમિયાન તેમની સંપત્તિમાં અંદાજે 40 લાખ કરોડ રૂપિયાનો ઘટાડો થયો હતો. BSE લિસ્ટેડ કંપનીઓનું કુલ માર્કેટ કેપિટલાઇઝેશન (MCAP) મંગળવારે આશરે રૂ. 406 લાખ કરોડ હતું, જે અગાઉના સત્રના અંતે રૂ. 386 લાખ કરોડ હતું.
પ્રારંભિક વલણો દર્શાવે છે કે ચૂંટણી પરિણામો એક્ઝિટ પોલની આગાહી કરતા વધુ કડક હોઈ શકે છે. આ પછી ભારતીય શેરબજારમાં એકંદરે ભારે વેચવાલી જોવા મળી હતી. મંગળવારે શરૂઆતના વેપારમાં બેન્ચમાર્ક સેન્સેક્સ અને નિફ્ટી 50 લગભગ 4 ટકા ઘટ્યા હતા, જ્યારે BSE મિડકેપ અને સ્મોલકેપ ઈન્ડેક્સ 5 ટકા સુધી ઘટ્યા હતા.
લોકસભા ચૂંટણી પરિણામની ભારે અસર શેર બજારમાં જોવા મળી રહી છે. તમામ ક્ષેત્રીય સૂચકાંકો રેડ ઝોનમાં ટ્રેડ થઈ રહ્યા છે. કેપિટલ ગુડ્સ, ઓઈલ એન્ડ ગેસ, પાવર, પીએસયુ બેંકો દરેકમાં 10 ટકાથી વધુ ઘટાડો નોંઘાયો છે. BSE મિડકેપ અને સ્મોલકેપ સૂચકાંકોમાં પણ 6 ટકા નીચે ધટાડો નોંધાયો છે.
શેરબજારમાં ઘટાડાનું કારણ: રિલાયન્સ ઈન્ડસ્ટ્રીઝ અને નાણાકીય શેરોમાં ભારે ઘટાડાને કારણે આજે સેન્સેક્સ 2,700 પોઈન્ટ તૂટ્યો હતો. કારણ કે લોકસભાની ચૂંટણીના પરિણામોની જાહેરાત પહેલા રોકાણકારો જોખમથી વિપરીત થઈ ગયા હતા. સેન્સેક્સમાં 565 પોઇન્ટના ઘટાડા પાછળ રિલાયન્સ ઇન્ડસ્ટ્રીઝ અને એચડીએફસી બેન્કનો ફાળો હતો. L&T, SBI, ITC, NTPC અને પાવર ગ્રીડ ઇન્ડેક્સને નીચે ખેંચી રહેલા અન્ય શેરો છે.
- ચૂંટણીના પરિણામો પહેલા શેરબજારમાં ભૂકંપ, સેન્સેક્સ 2,200 પોઈન્ટથી વધુ તૂટ્યો - stock market update
- ચૂંટણી પૂરી થતાં જ મોંઘવારીની માર, મુસાફરી થઈ મોંઘી - TOLL RATE HIKE
