ચૂંટણી પૂરી થતાં જ મોંઘવારીની માર, મુસાફરી થઈ મોંઘી - TOLL RATE HIKE

નેશનલ હાઈવે ઓથોરિટી ઓફ ઈન્ડિયા (NHAI)ના ટોલ ટેક્સમાં આજથી દેશભરમાં સરેરાશ 5 ટકાનો વધારો થયો છે. આ સુધારેલા ટોલ દરો અગાઉ 1 એપ્રિલ માટે નિર્ધારિત કરવામાં આવ્યા હતા.

નવી દિલ્હી:લોકસભા 2024ની ચૂંટણી પૂરી સમાપ્ત થતા જ લોકો માટે માઠા સમાચાર આવ્યા છે.નેશનલ હાઈવે ઓથોરિટી ઓફ ઈન્ડિયા (NHAI) એ સમગ્ર દેશમાં ટોલ ટેક્સમાં સરેરાશ 5 ટકાના વધારાની જાહેરાત કરી છે, જે આજથી એટલે કે 3 જૂનથી લાગુ થશે. આ સુધારેલા ટોલ દરો અગાઉ 1 એપ્રિલ માટે નિર્ધારિત કરવામાં આવ્યા હતા. લોકસભા ચૂંટણી 2024ના પરિણામો આવે તે પહેલા લોકો ફરી એક વખત મોંઘવારીનો ભોગ બનવાના છે.

આજથી દેશભરમાં લાગુ કરવામાં આવશે: નેશનલ હાઈવે ઓથોરિટી ઓફ ઈન્ડિયાએ આજથી દેશભરમાં ટોલ ટેક્સમાં વધારો કર્યો છે. ટોલ ટેક્સની વધેલી રકમ આજથી દેશભરમાં લાગુ કરવામાં આવશે. ટોલ વધારાના કારણે ભાડામાં પણ વધારો થશે. આ અંગે ટ્રાન્સપોર્ટ એસોસિએશન 2 દિવસમાં બેઠક યોજશે. એસોસિયેશન વધેલા ટોલ ટેક્સ અંગે વિચારણા કરશે અને રણનીતિ બનાવશે. જો કે, આ વર્ષે લોકસભાની ચૂંટણીને કારણે તેને મોકૂફ રાખવામાં આવી હતી. NHAIના એક વરિષ્ઠ અધિકારીએ જણાવ્યું કે, નવો યુઝર ચાર્જ 3 જૂન, 2024થી લાગુ થશે.

ટોલ ટેક્સ શા માટે વધારવામાં આવી રહ્યો છે?: ટોલ ટેક્સમાં એડજસ્ટમેન્ટ એ CPI-આધારિત ગ્રાહક શુલ્કમાં ફેરફાર નક્કી કરવાની વાર્ષિક પ્રક્રિયાનો એક ભાગ છે. નેશનલ હાઈવે નેટવર્ક પર અંદાજે 855 યુઝર ફી પ્લાઝા છે, જ્યાં નેશનલ હાઈવે ફી (ચાર્જ એન્ડ કલેક્શન ઓફ રેટ્સ) નિયમો, 2008 મુજબ ટોલ વસૂલવામાં આવે છે. તેમાંથી લગભગ 675 જાહેરમાં ભંડોળ પૂરું પાડવામાં આવે છે, જ્યારે 180 કન્સેશનર દ્વારા સંચાલિત છે.