નવી દિલ્હી : ટેક જાયન્ટ ગૂગલે તેની વાર્ષિક ઇવેન્ટ 'Google ફોર ઈન્ડિયા' માં ભારત માટે ઘણી મોટી જાહેરાતો કરી છે. જો તમારા ઘરમાં સોનું છે તો તમે Google Pay પર 50 લાખ રૂપિયા સુધીની ગોલ્ડ લોન લઈ શકો છો. આ સાથે વ્યક્તિગત લોનની મર્યાદા પણ વધારીને 5 લાખ રૂપિયા કરવામાં આવી છે. તે જ સમયે, ગૂગલે ભારત અનુસાર તેની આર્ટિફિશિયલ ઇન્ટેલિજન્સ (AI) Gemini અપડેટ કરી છે. જેમિની હવે હિન્દી સહિત આઠ ભારતીય ભાષાઓમાં કામ કરશે.
Google Pay ગોલ્ડ લોન :Google Pay હવે મુથૂટ ફાઇનાન્સ સાથે મળીને ગોલ્ડ-બેક્ડ સુરક્ષિત લોન પણ આપશે. જોકે, ગૂગલે હજી સુધી લોનની પ્રક્રિયા કેવી હશે અને તે કેવી રીતે ઉપલબ્ધ થશે તે અંગેની માહિતી શેર કરી નથી. તે જ સમયે Google Pay દ્વારા ઉપલબ્ધ વ્યક્તિગત લોનની મર્યાદા પણ વધારીને 5 લાખ રૂપિયા કરવામાં આવી છે.
UPI સર્કલ ફીચર :આ સિવાય ગૂગલ પે દ્વારા UPI સર્કલ ફીચર પણ લોન્ચ કરવામાં આવ્યું છે. આ સુવિધા હેઠળ યુપીઆઈ સર્કલ દ્વારા ચુકવણી કરનાર વપરાશકર્તા તેના UPI એકાઉન્ટમાંથી જરૂરી મર્યાદા સાથે કોઈપણ અન્ય વ્યક્તિને વ્યવહાર કરવાની મંજૂરી આપી શકે છે.
Gemini આઠ ભાષા સમજશે :ગૂગલ ફોર ઈન્ડિયા ઈવેન્ટમાં જાહેર કરવામાં આવ્યા મુજબ હિન્દી સિવાય જેમિની બંગાળી, ગુજરાતી, કન્નડ, મલયાલમ, મરાઠી, તેલુગુ, તમિલ અને ઉર્દૂમાં પણ ઉપલબ્ધ હશે. હિન્દી ઉપરાંત ગૂગલ સર્ચનું AI ઓવરવ્યૂ હવે બંગાળી, મરાઠી, તેલુગુ અને તમિલમાં પણ ઉપલબ્ધ થશે. ગૂગલ લેન્સ હવે વિડિયો સર્ચ કરવાની મંજૂરી આપશે અને ગૂગલ મેપ્સમાં હવે AI-સહાયિત સ્થળ સારાંશ, હવામાન માહિતી અને થીમ આધારિત બર્થડે કેક અથવા અનન્ય પિકનિક સ્પોટ જેવી વસ્તુઓ શોધવાની ક્ષમતા હશે.
- શેરબજારના રોકાણકારો ! NSE-BSE દ્વારા ટ્રાન્ઝેક્શન શુલ્કમાં ફેરફાર
- માત્ર ₹100 થી મ્યુચ્યુઅલ ફંડ શરૂ કરો, અમીરોની જેમ રોકાણ કરો
