યોગી સરકારે આ IAS અધિકારી પાસેથી તમામ જવાબદારીઓ ખેંચી લીધીઃ સુપ્રીમની કડક ટિપ્પણી પછી એક્શન - IAS Rajesh Singh

યુપી જેલના મુખ્ય સચિવ રાજેશ કુમાર સિંહ પર સુપ્રીમ કોર્ટની કડક ટિપ્પણી બાદ યોગી સરકારે જેલ સહિત તમામ વિભાગોની જવાબદારી છીનવી લીધી છે. - Yogi government action on IAS Rajesh Singh

લખનઉઃયુપી જેલના મુખ્ય સચિવ રાજેશ કુમાર સિંહ પર સુપ્રીમ કોર્ટની કડક ટિપ્પણી બાદ યોગી સરકારે જેલ સહિત તમામ વિભાગોની જવાબદારી છીનવી લીધી છે. આ સિવાય સરકારે અન્ય ત્રણ IAS અધિકારીઓને વધારાનો હવાલો આપ્યો છે. સુપ્રીમ કોર્ટે રાજેશ કુમાર સિંહ માટે કહ્યું હતું કે અમે ખોટુ બોલનાર IAS અધિકારીને સહન નહીં કરીએ.

શું હતો મામલોઃ હકીકતમાં, 20 ઓગસ્ટના રોજ સુપ્રીમ કોર્ટે અરજદારની જેલમાંથી મુક્તિના મામલાની સુનાવણી કરી હતી. જેમાં જસ્ટિસ અભય ઓકે પ્રિન્સિપલ સેક્રેટરી જેલ એડમિનિસ્ટ્રેશન યુપી રાજેશ કુમાર સિંહને વીડિયો કોન્ફરન્સિંગ દ્વારા હાજર થવા જણાવ્યું હતું. આ દરમિયાન તેમણે પોતાનું નિવેદન નોંધ્યું હતું. જોકે, બાદમાં તેમણે કોર્ટમાં સોગંદનામું પણ દાખલ કર્યું હતું. જેમાં તેમણે નિવેદન કરતા અલગ અન્ય કારણનો ઉલ્લેખ કર્યો હતો. જેના પર જસ્ટિસ ગુસ્સે થઈ ગયા અને યુપી સરકારને નિર્દેશ આપ્યો કે આવા અધિકારીને જેલમાં મોકલવામાં આવે નહીંતર આ બધું બંધ નહીં થાય. જ્યાં સુધી તમે આ વ્યક્તિ સામે પગલાં નહીં ભરો ત્યાં સુધી અમે તેને છોડીશું નહીં. રાજ્યએ પગલાં લેવા જોઈએ.

એટલું જ નહીં, સુપ્રીમ કોર્ટના જસ્ટિસ ઓકે મુખ્ય સચિવ રાજેશ કુમાર માટે કહ્યું હતું કે, અમે એવા IAS અધિકારીને સહન નહીં કરીએ જે આ કોર્ટમાં જૂઠું બોલે અને પોતાના માસ્ટર્સની અનુકૂળતા મુજબ પોતાનું સ્ટેન્ડ બદલે. રાજેશ કુમારે જેલ પ્રશાસનના અગ્ર સચિવ હોવા ઉપરાંત દીન દયાલ ઉપાધ્યાય રાજ્ય ગ્રામીણ વિકાસ સંસ્થા, સહકારની જવાબદારી પણ નિભાવી હતી. રાજેશ કુમારના પદ પરથી હટાવ્યા બાદ એમપી અગ્રવાલને અગ્ર સચિવ સહકારીનો હવાલો, અનિલ ગર્ગને મુખ્ય સચિવ જેલનો અને વેંકટેશ્વર લુને ગ્રામ વિકાસ સંસ્થા BKTનો હવાલો સોંપવામાં આવ્યો છે.