વિશ્વના સૌથી ગરમ શહેરમાં ઝાંસીનો સમાવેશ, સાતમા ક્રમે - Up Weather update

યુપીમાં ગરમીએ તો તમામ રેકોર્ડ તોડી નાખ્યા છે. 28 મેના રોજ ઝાંસીમાં 132 વર્ષ જૂનો રેકોર્ડ તૂટ્યો હતો. ગઈકાલે ઝાંસી વિશ્વનું સાતમું સૌથી ગરમ શહેર હતું. તો ચાલો જાણીએ કે આજે યુપીમાં હવામાનની કેવું રહશે. Up Weather update

લખનૌઃ આ વખતે તો યુપી ગરમીના તમામ રેકોર્ડ તોડી રહી છે. અને યુપીના જિલ્લાઓની ગણતરી વિશ્વના સૌથી ગરમ જિલ્લાઓમાં થઈ રહી છે. ગઈ કાલે એટલે કે 28 મેના રોજ ઝાંસીમાં મહત્તમ તાપમાન 49 ડિગ્રી સેલ્સિયસ પર પહોંચ્યું હતું અને તેણે 132 વર્ષ જૂનો રેકોર્ડ તોડ્યો હતો. આ સાથે, ઝાંસી વિશ્વના સાત સૌથી ગરમ શહેરોમાંનું એક બન્યું.

પાકિસ્તાનના જેકોબાબાદ વિશ્વનો સૌથી ગરમ જિલ્લો:28 મેના રોજ, પાકિસ્તાનના ઘણા જિલ્લાઓ વિશ્વના સૌથી ગરમ જિલ્લાઓમાં સામેલ હતા. પાકિસ્તાનના જેકોબાબાદમાં સૌથી વધુ 51.4 ડિગ્રી તાપમાન નોંધાયું હતું. જે વિશ્વનો સૌથી ગરમ જિલ્લો હતો. આ પછી બીજા ક્રમે ભારતનો ચુરુનો સમાવેશ થયો હતો. ચુરુમાં મહત્તમ તાપમાન 50.5 ડિગ્રી સેલ્સિયસ નોંધાયું હતું. તે વિશ્વનું બીજું અને ભારતનું પહેલું સૌથી ગરમ શહેર હતું. જ્યારે આ યાદીમાં ઝાંસીએ સાતમા ક્રમે પોતાનું સ્થાન લીધું હતું. જેનું મહત્તમ તાપમાન 49 ડિગ્રી સેલ્સિયસ હતું.

તો ચાલો જાણીએ કે 28મી મેના રોજ કયા હતા વિશ્વના ટોપ ટેન સૌથી ગરમ શહેરો:

જેકોબાબાદ (પાકિસ્તાન)	51.4 ડિગ્રી સે
ચુરુ (ભારત)	50.5° સે
નવાબશાહ (પાકિસ્તાન)	50.2°સે
ખાનપુર (પાકિસ્તાન)	50° સે
સિબી (પાકિસ્તાન)	50° સે
ગંગાનગર (ભારત)	49.4° સે
ઝાંસી (ભારત)	49° સે
રોહરી (પાકિસ્તાન)	49° સે
બંદર-એ-દયાર (ઈરાન, ઈસ્લામિક રિપબ્લિક ઓફ)	48.5 ° સે
નારનૌલ (ભારત)	48.5°સે

વિશ્વના સૌથી ગરમ શહેરમાં ઝાંસીનો સમાવેશ, સાતમા ક્રમે (Etv Bharat)

અન્ય વિસ્તારોમાં ગરમી: ગઈ કાલે, ઝાંસી 49 ડિગ્રી સેલ્સિયસ તાપમાન સાથે સૌથી ગરમ જિલ્લો હતો. આગ્રા 48.6 ડિગ્રી સેલ્સિયસ મહત્તમ તાપમાન સાથે બીજા સ્થાને રહ્યું. પ્રયાગરાજ આ યાદીમાં 48.2 ડિગ્રી સેલ્સિયસ તાપમાન સાથે ત્રીજા સ્થાને રહ્યું. તેમજ કાનપુર ચોથા સ્થાને અને વારાણસી પાંચમા સ્થાને હતું.

30 મેથી યુપીમાં ગરમીની તીવ્રતા ઓછી:IMDના ડાયરેક્ટર જનરલ ડૉ. મૃત્યુંજય મહાપાત્રા જણાવ્યું કે, 30 મેથી ઉત્તર પશ્ચિમમાં ગરમીની તીવ્રતા ઓછી થશે. જો કે આગામી કેટલાક દિવસો સુધી ગરમીની સ્થિતિ યથાવત રહેશે. તેમણે વધુમાં જણાવ્યું કે, આ વખતે ચોમાસામાં સામાન્ય કરતા વધુ વરસાદ પડશે. આ ખેતી માટે ખૂબ જ ફાયદાકારક સાબિત થશે.

તો હવે જાણીએ કે, ઉનાળામાં શું કરવું અને શું ન કરવું?

• બપોરે 12 થી સાંજના 4 વાગ્યા સુધી સૂર્યપ્રકાશમાં વધુ બહાર નીકળવું નહીં.
• હીટસ્ટ્રોકથી બચવા માટે પના અને સત્તુ જેવા પીણાંનું સેવન કરવું.
• ઘરની બહાર નીકળતા પહેલા ટોપી, ટુવાલ અને ચશ્મા વગેરે અવશ્ય લેવા.
• દર કલાકે સતત પાણી પીતા રહેવું જેથી શરીરનું તાપમાન ઠંડુ રહે.
• ચક્કર અથવા ઉબકાના કિસ્સામાં, તરત જ ડૉક્ટરની સલાહ લેવી.
• ગરમીમાં બાળકોને તમારી સાથે લઈ જવાનું મુખ્યત્વે ટાળવું.
• ઉનાળામાં ક્યાંય ફરવાનો પ્લાન ન બનાવવો.
• બપોરના સમયે બાળકોને ઘરની બહાર રમવા જવાનું ટાળવું.

21 જૂનની આસપાસ યુપીમાં ચોમાસું:જો કે યુપીમાં ચોમાસું ક્યારે આવશે તેના વિશે હવામાનશાસ્ત્રીઓ જણાવતા કહે છે કે, આ વખતે 21 જૂનની આસપાસ યુપીમાં ચોમાસું દસ્તક આપી શકે છે. આ પહેલા ચોમાસા પહેલા હળવો વરસાદ પડશે. 30 મે પછી યુપીના ઘણા જિલ્લાઓમાં હીટવેવની અસર ઓછી થશે. કેટલાક જિલ્લાઓમાં હળવા વરસાદની શક્યતા છે. જો કે તેના બાદ ગરમી ફરી વધશે.

યુપીમાં ગરમીએ તો તમામ રેકોર્ડ તોડી નાખ્યા છે. 28 મેના રોજ ઝાંસીમાં 132 વર્ષ જૂનો રેકોર્ડ તૂટ્યો (Etv Bharat)

ગરમીના કારણે બાળકનું મોત: લખનઉના વિકાસ નગર વિસ્તારમાં મંગળવારે એક બાળકનું મોત થયું હતું. 11 વર્ષીય શિવા, વિકાસ નગર, બાતહ, સબોલીમાં રહેતા સર્વેશ કુમારનો પુત્ર ઘરેથી રમવા માટે નીકળ્યો હતો. સાંજે 6.30 વાગ્યાની આસપાસ તે ઘરે પરત ફર્યો હતો અને તેને ઉલ્ટી થવા લાગી હતી. થોડી વાર પછી તે બેભાન થઈ ગયો. તેને KGMMU લઈ જવામાં આવ્યો હતો. જ્યાં તબીબોએ તેને મૃત જાહેર કર્યો હતો. એવું માનવામાં આવે છે કે તેમનું મૃત્યુ હીટસ્ટ્રોકને કારણે થયું હતું.