અમારો ઉદ્દેશ્ય બંધારણની રક્ષા કરવાનો છે - રાહુલ ગાંધી - rahul gandhi

કોંગ્રેસ નેતા રાહુલ ગાંધીએ આજે દિલ્હીમાં ​​અશોક વિહારના રામલીલા મેદાનમાં ઈન્ડિયા એલાયન્સના ઉમેદવારો માટે વોટ માંગ્યા હતા. આ દરમિયાન તેમણે કેન્દ્રની મોદી સરકાર પર આકરા વાકપ્રહારો કર્યા હતા. rahul gandhi asked for votes india alliance candidates delhi

નવી દિલ્હી: કોંગ્રેસ અને આમ આદમી પાર્ટી દિલ્હીની તમામ 7 સીટો પર ઈન્ડિયા એલાયન્સ હેઠળ સાથે મળીને ચૂંટણી લડી રહી છે. આજે ચૂંટણી પ્રચાર દરમિયાન કોંગ્રેસ નેતા રાહુલ ગાંધીએ અશોક વિહારના રામલીલા મેદાનમાં ઈન્ડિયા એલાયન્સના ઉમેદવારો માટે વોટ માંગ્યા હતા. આ દરમિયાન તેમણે કેન્દ્રની મોદી સરકાર પર આકરા વાકપ્રહારો કર્યા હતા. તેમણે કહ્યું કે અમારો ઉદ્દેશ્ય બંધારણ બચાવવાનો છે. ભારત, ગરીબો અને પછાતને બચાવવાના છે. ભાજપના મોટા નેતાઓએ ખુલ્લેઆમ કહ્યું છે કે જો તક આપવામાં આવશે તો તેઓ બંધારણને ફાડીને ફેંકી દેશે.

રાહુલ ગાંધીએ કહ્યું કે, નરેન્દ્ર મોદીએ 22થી 25 મોટા લોકો માટે કામ કર્યુ. ચાંદની ચોકમાં મધ્યમ અને નાના વેપારીઓ કામ કરે છે. મોદીએ જણાવવું જોઈએ કે તેમણે 10 વર્ષમાં અહીં શું કામ કર્યું છે. ડિમોનેટાઇઝેશન થયું, રોકડનો પ્રવાહ ઓછો થયો. જીએસટીનો અમલ યોગ્ય રીતે થયો નથી. નાના વેપારીઓનો એક પણ રૂપિયો માફ કરાયો નથી, મજૂરોનો એક રૂપિયો પણ માફ કરાયો નથી. મોટા અબજોપતિઓના પૈસા માફ કર્યા. તેઓ રેલવેને ખાનગી હાથમાં સોંપી રહ્યા છે. લાલ કિલ્લાનો કોન્ટ્રાક્ટ રાષ્ટ્રીય ઓળખ હોવા છતાં કોઈને આપવામાં આવ્યો હતો.

રાહુલ ગાંધીએ મંચ પરથી કહ્યું કે બે-ત્રણ બૌદ્ધિકો અને કેટલાક પત્રકારોએ પત્ર લખીને કહ્યું કે લોકશાહીમાં ચર્ચા થવી જોઈએ. અમે ગમે ત્યાં, ગમે ત્યારે ચર્ચા કરવા તૈયાર છીએ. પીએમ મોદી ચર્ચા કરવા તૈયાર નહીં થાય. કારણ કે હું અદાણી અને તેના સંબંધો પર સવાલ કરીશ, ઇલેક્ટ્રિકલ બોન્ડ પર, અગ્નિવીર સ્કીમ પર, જ્યારે લોકો કોરોનામાં મરી રહ્યા હતા ત્યારે થાળી કેમ વાગી હતી. આવા અનેક સવાલો છે જેના જવાબ મોદીજી પાસે નથી, તેઓ અટવાઈ જશે.

રાહુલે કહ્યું કે અમે મહાલક્ષ્મી યોજના લાવ્યા છીએ. આ અંગે લોકોને સમજાવવા પડશે. પીએમ મોદીએ 22 અબજપતિ બનાવ્યા. ચાંદની ચોકમાં કરોડપતિ બનાવીશું. જે લોકો ગરીબી રેખા નીચે છે તેમની યાદી બનાવવામાં આવશે. અમે તે પરિવારની મહિલાના ખાતામાં દર વર્ષે 1 લાખ રૂપિયા જમા કરાવીશું.