માયાવતીએ ભત્રીજા આકાશ આનંદને ઉત્તરાધિકારી અને પાર્ટી કો-ઓર્ડીનેટર તરીકે હટાવ્યો - mayavati drops nephew

દેશભરમાં લોકસભા ચૂંટણી 2024ના ધમાસાણ વચ્ચે બસપાના વડા માયાવતીએ એક ઐતિહાસિક નિર્ણય લીધો છે અને તેમના ભત્રીજા આકાશ આનંદને તેમના 'અનુગામી' પદ પરથી હટાવી દીધા છે. તેમણે કહ્યું કે, આકાશના પિતા આનંદ કુમાર પહેલાની જેમ જ તેમની જવાબદારી નિભાવતા રહેશે.mayavati drops nephew

લખનૌ: બહુજન સમાજ પાર્ટી (BSP)ના રાષ્ટ્રીય અધ્યક્ષ માયાવતીએ મંગળવારે રાત્રે કહ્યું કે, તેઓ તેમના ભત્રીજા આકાશ આનંદને તેમના અનુગામી તરીકે નિયુક્ત કરવાના નિર્ણયને પાછો ખેંચી રહ્યાં છે. તેમણે આગળ વધુમાં જણાવ્યુ કે, તે તેના ભત્રીજાને પાર્ટીના રાષ્ટ્રીય સંયોજકની જવાબદારીઓમાંથી પણ દૂર કરી રહી છે.

ટ્વિટર પરની એક પોસ્ટમાં માયાવતીએ કહ્યું કે, તેમણે પક્ષના હિતમાં આ નિર્ણય લીધો છે અને જ્યાં સુધી આનંદ સંપૂર્ણપણે પરિપક્વ નહીં થાય ત્યાં સુધી તે રહેશે. માયાવતીએ કહ્યું કે, તેમનો ભાઈ અને આકાશના પિતા આનંદ કુમાર પહેલાની જેમ જ તેમની પાર્ટીની જવાબદારી સંભાળતા રહેશે.

માયાવતીએ પોતાની X પોસ્ટમાં લખ્યું હતું કે, “તે સર્વવિદિત છે કે, BSP એક પક્ષ હોવા સાથે, બાબા સાહેબ ડૉ. ભીમરાવ આંબેડકરના સ્વાભિમાન અને સામાજિક પરિવર્તનનું આંદોલન પણ છે. જેના માટે શ્રી કાંશીરામજી અને અમે અમારા જીવન સમર્પિત કર્યા છે. અને નવી પેઢી પણ તેને વેગ આપવા માટે તૈયાર થઈ રહી છે.

આકાશ આનંદ અંગે તેમણે કહ્યું હતું કે, "જો કે, તેના પિતા શ્રી આનંદ કુમાર પાર્ટી અને આંદોલનમાં તેની જવાબદારીઓ પહેલાની જેમ નિભાવતા રહેશે." તેથી બસપાનું નેતૃત્વ પક્ષ અને આંદોલનના હિતમાં અને બાબા સાહેબ ડૉ. આંબેડકરના કાફલાને આગળ લઈ જવામાં દરેક પ્રકારનું બલિદાન આપવામાં શરમાશે નહીં.

આકાશ આનંદને હટાવવાના પાંચ મોટા કારણો

• 28 એપ્રિલે સીતાપુરમાં એક રેલી દરમિયાન તેમણે યોગી આદિત્યનાથની સરકારની તુલના આતંકવાદીઓ સાથે કરી હતી. તેમના ભાષણની સોશિયલ મીડિયા પર ખૂબ ચર્ચા થઈ હતી ત્યારબાદ તેની સામે સીતાપુરમાં કેસ નોંધવામાં આવ્યો હતો.
• આકાશ આનંદ ઘણી વખત ભીડની સામે પોતાનો ગુસ્સો ગુમાવતો જોવા મળ્યો હતો. તેઓ ખૂબ જ આક્રમક અંદાજમાં ભાષણ આપતા જોવા મળ્યા હતા.
• માયાવતીએ સોશિયલ મીડિયા પર ઉલ્લેખ કર્યો છે કે, આકાશ આનંદ રાજકીય વક્તા નથી. માયાવતીએ તેનામાં અનુભવી રાજકારણી જેવી પરિપક્વતા જોઈ નથી. જેના કારણે માયાવતીએ આ નિર્ણય લેવો પડ્યો.
• BSPએ વિદેશમાં ભણેલા આકાશ આનંદને સૌમ્ય અને શિક્ષિત નેતા તરીકે લોકો સમક્ષ રજૂ કર્યા હતા, પરંતુ આકાશના નિવેદનોએ BSP માટે જ ઘણી મુશ્કેલીઓ ઊભી કરી હતી. આનાથી પાર્ટીની રણનીતિને ફટકો પડ્યો. કદાચ આ જ કારણ છે કે, માયાવતીએ પણ તેમને પોતાના રાજકીય વારસ તરીકે દૂર કર્યા છે.
• એક રીતે એવું પણ માનવામાં આવે છે કે આકાશ આનંદને હટાવીને માયાવતીએ બસપાની ભાવિ પેઢીને કેસ અને મુકદ્દમાથી બચાવવાનો પ્રયાસ કર્યો છે. કદાચ તેઓ નથી ઈચ્છતી કે બસપાની ભાવિ પેઢી આ મુસીબતોમાં ફસાઈ જાય.