મનીષ સિસોદિયાને કોર્ટમાંથી કોઈ રાહત નહીં, રાઉઝ એવન્યૂ કોર્ટે 15 જુલાઈ સુધી વધારી જ્યુડિશિયલ કસ્ટડી - Delhi Excise Policy Case

AAP નેતા મનીષ સિસોદિયાને આજે ફરીથી કોર્ટમાંથી રાહત મળી નથી, તેમની ન્યાયિક કસ્ટડી 15 જુલાઈ સુધી લંબાવવામાં આવી છે. તેમને આજે રાઉઝ એવન્યુ કોર્ટમાં રજૂ કરવામાં આવ્યા હતા. આજે તેની જ્યુડિશિયલ કસ્ટડી પૂરી થઈ રહી હતી. Delhi Excise Policy Case

નવી દિલ્હી: દિલ્હીની રાઉઝ એવન્યુ કોર્ટે એક્સાઇઝ કૌભાંડ મુદ્દે દિલ્હીના પૂર્વ ઉપમુખ્યમંત્રી મનીષ સિસોદિયાની CBI કેસમાં ન્યાયિક કસ્ટડી 15 જુલાઈ સુધી લંબાવી છે. સ્પેશિયલ જજ કાવેરી બાવેજાએ જ્યુડિશિયલ કસ્ટડી વધારવાનો આદેશ આપ્યો હતો.

આજે મનીષ સિસોદિયાની જ્યુડિશિયલ કસ્ટડી સમાપ્ત થઈ રહી હતી, ત્યારબાદ તેમને કોર્ટમાં રજૂ કરવામાં આવ્યા હતા. આ કેસમાં સુપ્રીમ કોર્ટે આમ આદમી પાર્ટીના સાંસદ સંજય સિંહને જામીન આપી દીધા છે. આ કેસમાં દિલ્હીના મુખ્યમંત્રી અરવિંદ કેજરીવાલ જ્યુડિશિયલ કસ્ટડીમાં છે.

ઉપરાંત, 21 માર્ચે અરવિંદ કેજરીવાલને દિલ્હી હાઈકોર્ટમાંથી ધરપકડથી રક્ષણ ન મળતા EDએ 21 માર્ચે મોડી સાંજે અરવિંદ કેજરીવાલની પૂછપરછ કર્યા બાદ ધરપકડ કરી હતી. કેજરીવાલને 10 મેના રોજ સુપ્રીમ કોર્ટે વચગાળાના જામીન પર મુક્ત કર્યા હતા. સુપ્રીમ કોર્ટે કેજરીવાલને 2 જૂને આત્મસમર્પણ કરવાનો આદેશ આપ્યો છે. આ કેસમાં સીબીઆઈ દ્વારા કેજરીવાલની 26 જૂને ધરપકડ કરવામાં આવી હતી. કેજરીવાલે પોતાની સીબીઆઈ ધરપકડને દિલ્હી હાઈકોર્ટમાં પડકારી છે. કેજરીવાલે સીબીઆઈ કેસમાં દિલ્હી હાઈકોર્ટમાં જામીન અરજી દાખલ કરી છે.

તમને જણાવી દઈએ કે EDએ 4 ઓક્ટોબર 2023ના રોજ સંજય સિંહની તેમના સત્તાવાર નિવાસસ્થાને પૂછપરછ કર્યા બાદ ધરપકડ કરી હતી. EDએ આ મુદ્દે 9 માર્ચ 2023ના રોજ પૂછપરછ બાદ મનીષ સિસોદિયાની તિહાર જેલમાંથી ધરપકડ કરી હતી. સિસોદિયાની અગાઉ 26 ફેબ્રુઆરી 2023ના રોજ સીબીઆઈ દ્વારા ધરપકડ કરવામાં આવી હતી. 21 મેના રોજ દિલ્હી હાઈકોર્ટે CBI અને ED કેસમાં મનીષ સિસોદિયાની જામીન અરજી ફગાવી દીધી હતી.