મુંબઈ: ઉદ્ધવ ઠાકરેની અધ્યક્ષતાવાળી શિવસેનાના ઉમેદવાર અમોલ કીર્તિકરની મુંબઈના કથિત ખીચડી કૌભાંડ કેસમાં ED પુછપરછ કરી રહી છે. કીર્તિકરને શિવસેના (UBT) દ્વારા ઉત્તર-પશ્ચિમ મુંબઈ લોકસભા મતવિસ્તારમાંથી મેદાનમાં ઉતારવામાં આવ્યા છે.
સંજય નિરુપમનો આરોપઃ આ મામલે કોંગ્રેસ પાર્ટીમાંથી બરતરફ થયેલા પૂર્વ સાંસદ સંજય નિરુપમે મોટો આરોપ લગાવ્યો છે. મીડિયા સાથે વાત કરતા નિરુપમે કહ્યું કે, સાંસદ સંજય રાઉત ખીચડી કૌભાંડના મુખ્ય સૂત્રધાર છે. ખીચડી કૌભાંડ કેસમાં સંજય રાઉતની પત્ની, પુત્રી, ભાઈ તેમજ તેના ભાગીદાર સુજીત પાટકરના ખાતામાં પૈસા જમા થયા હતા. ઈડીએ સંજય રાઉતની લાંચ લેવાના આરોપમાં ધરપકડ કરવી જોઈએ. ખીચડી બનાવવાનો કોન્ટ્રાક્ટ સહ્યાદ્રી રિફ્રેશમેન્ટ્સ નામની કંપનીને આપવામાં આવ્યો હતો.
સગા સંબંધીને ફાયદો કરાવ્યાનો આક્ષેપઃ આ કોન્ટ્રાક્ટ 300 ગ્રામ ખીચડી માટે 33 રૂપિયામાં આપવામાં આવ્યો હતો, પરંતુ આ કોન્ટ્રાક્ટ સહ્યાદ્રી રિફ્રેશમેન્ટ્સ દ્વારા કરવામાં આવ્યો ન હતો. તે અન્ય કંપનીને આપવામાં આવ્યો હતો. સંજય નિરુપમે 100 ગ્રામ ખીચડી 16 રૂપિયામાં વહેંચવાનો પણ આરોપ લગાવ્યો હતો. આ કૌભાંડ કેસમાં સંજય રાઉતનું નામ સીધું જોડાયેલું નથી. આ કૌભાંડમાં તેણે તેની પત્ની, પુત્રી અને ભાઈને ફાયદો કરાવ્યો હતો. કૌભાંડના નાણાં તેમના ખાતામાં જમા કરાવ્યા હતા. નિરુપમે ઘટનાના આંકડા પણ રજૂ કર્યા હતા. તેમણે કહ્યું કે, EDને આ સમગ્ર મામલાની જાણ છે. આ મામલે સંજય રાઉતની તપાસ થવી જોઈએ. તેમની ધરપકડ થવી જોઈએ.
કીર્તિકર પર કટાક્ષ કર્યોઃ સંજય નિરુપમે આ પ્રસંગે અમોલ કીર્તિકર પર કટાક્ષ કર્યો હતો. જેમાં તેમણે કહ્યું કે, 'અમોલ કીર્તિકરે જેલમાં જવા માટે નવા કપડાં ખરીદ્યા છે. નોન વેજ પણ બંધ કરી દેવામાં આવ્યું છે. જો કે જેલમાં બધું જ મળે છે. તેમણે જેલના કપડાં ત્યાં પહેરવા પડશે. કોરોના દરમિયાન પરપ્રાંતિય મજૂરોમાં ખીચડી વિતરણ કરવાનો કોન્ટ્રાક્ટ આપવામાં આવ્યો હતો. આરોપ છે કે આ વિતરણમાં ગેરરીતિઓ કરવામાં આવી હતી અને તેમાં કૌભાંડ થયું હતું. EDનો દાવો છે કે મુંબઈ મ્યુનિસિપલ કોર્પોરેશન સાથે 6 કરોડ રૂપિયાથી વધુની છેતરપિંડી થઈ છે.
ઉમેદવાર બનાવ્યા બાદ ઈડીએ સમન્સ મોકલ્યાઃ શિવસેના ઠાકરે જૂથના નેતા અને ઉત્તર પશ્ચિમ લોકસભા મતવિસ્તારના વર્તમાન ઉમેદવાર અમોલ કીર્તિકર મુંબઈમાં ખીચડી કૌભાંડના સંબંધમાં પૂછપરછ માટે આજે ED સમક્ષ હાજર થયા છે. તેમની ઉમેદવારીનો વિરોધ કરનાર સંજય નિરુપમને કોંગ્રેસમાંથી હાંકી કાઢવામાં આવ્યા હતા. 27 માર્ચે ઉદ્ધવ ઠાકરેએ ઉત્તર-પશ્ચિમ મુંબઈ લોકસભા મતવિસ્તાર માટે અમોલ કીર્તિકરના નામની જાહેરાત કર્યાના કલાકો પછી, EDએ તેમને ખીચડી કૌભાંડ કેસમાં સમન્સ મોકલ્યા. અમોલ કીર્તિકર ઉત્તર પશ્ચિમ મુંબઈ લોકસભા મતવિસ્તારના વર્તમાન સાંસદ ગજાનન કીર્તિકરના પુત્ર છે. તેમના પિતા ગજાનન કીર્તિકર હાલમાં એકનાથ શિંદે ગ્રુપ સાથે છે.
- Raut Likens Modi To Aurangzeb: સંજય રાઉતે PM મોદીની સરખામણી ઔરંગઝેબ સાથે કરી, ભાજપે કહ્યું- જનતા જવાબ આપશે
- Sanjay Raut Blame BJP : શિવસેના નેતા સંજય રાઉતના ભાજપ પર આકરા પ્રહાર, " શિવસેનાના ભાગલા માટે ભાજપ જવાબદાર "
