નવી દિલ્હી: લેફ્ટનન્ટ જનરલ ઉપેન્દ્ર દ્વિવેદી નવા આર્મી ચીફ બનશે. કેન્દ્ર સરકારે મંગળવારે ઉપેન્દ્ર દ્વિવેદીની આગામી આર્મી ચીફ તરીકે નિમણૂકની જાહેરાત કરી હતી. તેઓ 30 જૂને ચાર્જ સંભાળશે. હાલમાં દ્વિવેદી ડેપ્યુટી આર્મી ચીફના પદ પર કાર્યરત છે. વર્તમાન આર્મી ચીફ જનરલ મનોજ પાંડે 30 જૂને નિવૃત્ત થઈ રહ્યા છે.
સંરક્ષણ મંત્રાલયના જણાવ્યા અનુસાર, લેફ્ટનન્ટ જનરલ ઉપેન્દ્ર દ્વિવેદી દેશના નવા આર્મી ચીફ બનશે. તેઓ 30 જૂને બપોરે ચાર્જ સંભાળશે. ઉપેન્દ્ર દ્વિવેદી પાસે સેનામાં ચાર દાયકાનો લાંબો અનુભવ છે. આ સમય દરમિયાન તેમણે દેશના વિવિધ ભાગોમાં સેવા આપી હતી.
કોણ છે ઉપેન્દ્ર દ્વિવેદી: લેફ્ટનન્ટ જનરલ ઉપેન્દ્ર દ્વિવેદીનો જન્મ 1 જુલાઈ, 1964ના રોજ થયો હતો. 15 ડિસેમ્બર 1984 ના રોજ, તેઓ ભારતીય સેનાની પાયદળ (જમ્મુ અને કાશ્મીર રાઇફલ્સ) માં કમિશન થયા. તેમની લગભગ 40 વર્ષની લાંબી અને વિશિષ્ટ સેવા દરમિયાન તેમણે વિવિધ કમાન્ડ, સ્ટાફ, સૂચનાત્મક અને વિદેશી નિમણૂંકોમાં સેવા આપી હતી.
લેફ્ટનન્ટ જનરલ દ્વિવેદીની કમાન્ડની નિમણૂંકમાં રેજિમેન્ટ (18 જમ્મુ અને કાશ્મીર રાઇફલ્સ), બ્રિગેડ (26 સેક્ટર આસામ રાઇફલ્સ), ઇન્સ્પેક્ટર જનરલ આસામ રાઇફલ્સ (પૂર્વ) અને 9 કોર્પ્સનો સમાવેશ થાય છે. સેનાના ડેપ્યુટી ચીફ બનતા પહેલા જનરલ દ્વિવેદીએ 2022 થી 2024 વચ્ચે મહત્વની જવાબદારીઓ સંભાળી હતી. દરમિયાન, તેમણે મહાનિદેશક પાયદળ અને જનરલ ઓફિસર કમાન્ડિંગ ઇન ચીફ (HQ નોર્ધન કમાન્ડ) સહિતના મહત્વના હોદ્દા સંભાળ્યા હતા.
મધ્ય પ્રદેશમાં રીવા સૈનિક સ્કૂલ, નેશનલ ડિફેન્સ કૉલેજ અને યુએસ આર્મી વૉર કૉલેજના ભૂતપૂર્વ વિદ્યાર્થી, લેફ્ટનન્ટ જનરલ ઉપેન્દ્ર દ્વિવેદીએ પણ DSSC વેલિંગ્ટન અને આર્મી વૉર કૉલેજ (MAU)માંથી તાલીમ મેળવી છે. આ ઉપરાંત, તેમને યુએસએના કાર્લિસલમાં USAWC સંસ્થા તરફથી પ્રતિષ્ઠિત NDC સમકક્ષ અભ્યાસક્રમમાં 'વિશિષ્ટ ફેલો'નું બિરુદ આપવામાં આવ્યું હતું. જનરલ દ્વિવેદીને પરમ વિશિષ્ઠ સેવા મેડલ (PVSM), અતિ વિશિષ્ઠ સેવા મેડલ (AVSM) અને ત્રણ GOC-in-C કમ્મેન્ડેશન કાર્ડ એનાયત કરવામાં આવ્યા છે.
- મોદીનો ત્રીજો કાર્યકાળ કેવો રહેશે, નાયડુ માટે શું મહત્ત્વનું રહેશે?... એન રામે આ વાત કહી - SENIOR JOURNALIST N RAM
