પુણે:પ્રોબેશનરી IAS ઓફિસર પૂજા ખેડકરની પોતાની ઓડી કારમાં લાલ બત્તી સાથે ડ્રાઇવિંગ કરવા અને જરૂરિયાત કરતાં વધુ સરકારી સુવિધાઓની માગણી કરવા બદલ મુશ્કેલીઓ દિવસેને દિવસે વધી રહી છે. તેવી જ રીતે, મૂળશીમાં એક ખેડૂતને બંદૂક બતાવીને ધમકી આપનાર પૂજા ખેડકરના માતા-પિતા વિરુદ્ધ પૌડ પોલીસ સ્ટેશનમાં કેસ નોંધવામાં આવ્યો છે. આ ગુનાની તપાસ માટે પોલીસ ખેડકર પરિવારનો સંપર્ક કરી રહી હતી. જોકે ખેડકર પરિવાર ફરાર થઈ ગયો હોવાનું સામે આવ્યું છે.
મનોરમા ખેડકરનો ફોન સ્વીચ ઓફ:આજે (15 જુલાઈ) પુણે ગ્રામીણ પોલીસ પુણેમાં ખેડકર પરિવારના ઘરે ગઈ અને તેમને ટ્રેસ કરવાનો પ્રયાસ કર્યો. જોકે આ વખતે તેમના ઘરનો દરવાજો બંધ હતો. તેમજ અંદરથી કોઈ જવાબ મળ્યો ન હતો. જેના કારણે પોલીસને પીછેહઠ કરવી પડી હતી. મીડિયા સાથે વાત કરતા પોલીસ ઈન્સ્પેક્ટર અવિનાશ શિલીમકરે જણાવ્યું હતું કે, "અમારા કર્મચારીઓ ગઈકાલે અને આજે મનોરમા ખેડકરના ઘરે આવ્યા હતા. જોકે, તે ઘરે નહોતા. તેથી અમે મનોરમા ખેડકરના ફોન પર સંપર્ક કરવાનો પ્રયાસ કર્યો હતો. જોકે, તેમનો ફોન પણ બંધ છે." અમે તેમને પણ શોધી રહ્યા છીએ." તેઓ મળી આવ્યા બાદ કાયદેસરની કાર્યવાહી કરવામાં આવશે.