નવી દિલ્હી:જો તમે એમ્પ્લોયી પ્રોવિડન્ટ ફંડ (EPF) સબસ્ક્રાઇબર છો અને તમારું PF એકાઉન્ટ બેલેન્સ અને/અથવા છેલ્લે આપેલું યોગદાન જાણવા માગો છો, તો તમે આ માહિતી માત્ર થોડી જ સેકન્ડમાં સરળતાથી મેળવી શકો છો ન તો તમારા મોબાઈલમાં કોઈ એપ ઇન્સ્ટોલ કરવાની જરૂર છે અને ન તો પાસવર્ડ યાદ રાખવાની ઝંઝટ.
આવી સ્થિતિમાં, જો તમારી પાસે પણ EPF ખાતું છે, તો હવે તમે તમારા PF ખાતામાં બેલેન્સ વિશે સરળતાથી માહિતી મેળવી શકો છો. તેની પ્રક્રિયા ખૂબ જ સરળ છે. તેની એકમાત્ર શરત એ છે કે સભ્યનો મોબાઈલ નંબર પહેલાથી જ UAN પોર્ટલ પર નોંધાયેલ હોવો જોઈએ.
આ નંબર પર મિસ્ડ કૉલ કરો: તમને જણાવી દઈએ કે UAN પોર્ટલ પર નોંધાયેલા સભ્યો 9966044425 પર મિસ્ડ કૉલ કરીને તેમના બેલેન્સ વિશે માહિતી મેળવી શકે છે. જો સભ્યનો UAN બેંક એકાઉન્ટ નંબર, આધાર અને PANમાંથી કોઈપણ એક સાથે લિંક હોય, તો સભ્યને છેલ્લા યોગદાન અને પીએફ બેલેન્સની વિગતો મળશે.
મિસ્ડ કોલની સુવિધા મેળવવા માટે શું કરવું?:આ માટે તમારો મોબાઈલ નંબર UAN પોર્ટલ પર સક્રિય હોવો જરૂરી છે. ઉપરાંત, UAN પોર્ટલ પર બેંક એકાઉન્ટ નંબર, આધાર કાર્ડ અથવા PANમાંથી કોઈપણ એકનું KYC હોવું જોઈએ. તમે આ નંબર પર કૉલ કરો કે તરત જ બે રિંગ પછી કૉલ ઑટોમૅટિક રીતે ડિસ્કનેક્ટ થઈ જશે. આ સેવાનો લાભ લેવા માટે સભ્યએ કોઈ ફી ચૂકવવાની રહેશે નહીં.
આ રીતે બેલેન્સ ચેક કરો
- સૌથી પહેલા EPFOની વેબસાઈટ (epfindia.gov.in) પર જાઓ.
- હવે પેજની ઉપર ડાબી બાજુએ 'Services' હેઠળ આપેલા 'For Employees' વિભાગ પર ક્લિક કરો.
- આ પછી, 'Services' વિભાગ હેઠળ 'Member Passbook' પર ક્લિક કરો.
- તમે તેને ક્લિક કરતા જ, સિસ્ટમ તમને URL સાથે નવા વેબપેજ પર લઈ જશે: passbook.epfindia.gov.in.
- હવે તમારે UAN અને પાસવર્ડ નાખવો પડશે.
- આ પછી કેપ્ચા દાખલ કરો અને સાઇન ઇન પર ક્લિક કરો.
- સિસ્ટમ આધાર સાથે જોડાયેલા ફોન નંબર પર 6-અંકનો OTP મોકલશે.
- હવે OTP દાખલ કરો અને જો તમને OTP ન મળ્યો હોય, તો તમે ફરીથી વિનંતી મોકલી શકો છો.
- જેવી સિસ્ટમ પાસવર્ડ સ્વીકારે છે, તમારા એકાઉન્ટની વિગતો EPF વેબસાઇટ પર દેખાશે.
આ પણ વાંચો:
- આધાર કાર્ડને અપડેટ કરવાનું બાકી હોય તો કરાવી દો, સરકારે આપી વધુ એક તક
- ઓછા પગારવાળા પણ બનશે કરોડપતિ, બસ અપનાવી લો આ ફોર્મ્યુલા
