ધનતેરસ 2024: જાણો તમારા શહેરમાં લક્ષ્મીજીની પૂજા કરવાનો સર્વશ્રેષ્ઠ મુહૂર્ત વિશે.....

દિવાળીનો તહેવાર શરૂ થઈ ગયો છે અને આજે ધનતેરસ છે ત્યારે આજના દિવસે લોકો માતા લક્ષ્મી અને ભગવાન ગણેશજીની પૂજા કરતા હોય છે.

હૈદરાબાદ: દર વર્ષે ધનતેરસનો તહેવાર આસો મહિનાના કૃષ્ણ પક્ષની ત્રયોદશી તિથિએ ઉજવવામાં આવે છે. આ દિવસે લોકો સોના-ચાંદી સહિત અન્ય વસ્તુઓની ખરીદી કરતા હોય છે. તેમજ માતા લક્ષ્મી અને ભગવાન ગણેશજીની પૂજા કરતા હોય છે. આ વર્ષે ધનતેરસનો તહેવાર 29 ઓક્ટોબરે ઉજવવામાં આવી રહ્યો છે. આ દિવસે સોના-ચાંદી સિવાય ગણેશ-લક્ષ્મીની મૂર્તિઓ, સાવરણી, ધાણા વગેરે ખરીદીને ઘરે લાવવાથી અનેક ગણું વધુ ફળ મળે છે.

આ સાથે માતા લક્ષ્મીનો પણ અપાર આશીર્વાદ છે. જો તમે પણ ધનતેરસના દિવસે દેવી લક્ષ્મી અને કુબેરજીની પૂજા કરવા જઈ રહ્યા છો, તો જાણો તમારા શહેરમાં પૂજાનો યોગ્ય સમય ક્યારે આવશે. આ સાથે ધનતેરસ પર ખરીદી કરવાનો યોગ્ય સમય કયો છે. દિવાળી પર અલગ-અલગ શહેરોમાં લક્ષ્મી પૂજાના સમય અલગ-અલગ હોય છે:

• પૂણેમાં ધનતેરસ પર પૂજાનો સમય સાંજે 6:09 થી 8:09 સુધીનો છે.
• નવી દિલ્હીમાં માતા લક્ષમીની પૂજાનો સમય સાંજે 5:39 થી 7:35 સુધીનો છે.
• ચેન્નાઈમાં ધનતેરસની પૂજાનો સમય સાંજે 5:52 થી 7:54 સુધીનો છે.
• જયપુરમાં પૂજાનો સમય સાંજે 5:48 થી 7:44 સુધીનો છે.
• કોલકાતામાં પૂજાનો સમય સાંજે 5:05 થી 7:03 સુધીનો છે.
• ચંદીગઢમાં ધનતેરસની પૂજાનો સમય સાંજે 5:37 થી 7:32 સુધીનો છે.
• હૈદરાબાદમાં માતા લક્ષમીની પૂજાનો સમય સાંજે 5:52 થી 7:52 સુધીનો છે.
• અમદાવાદમાં ધનતેરસની પૂજાનો સમય સાંજે 6:06 થી 7:02 સુધીનો છે.
• બેંગલુરુમાં માતા લક્ષમીની પૂજાનો સમય સાંજે 6:03 થી 8:05 સુધીનો છે.
• દિવાળી 31 ઓક્ટોબર, 2024ના રોજ છે. આ દિવસે કારતક માસની અમાવસ્યા છે.

આ પણ વાંચો: