યમુનોત્રીમાં હાર્ટ એટેકથી ગુજરાતી યાત્રીનું મોત, અત્યાર સુધીમાં કુલ કેટલા ભક્તોના મોત થયાં જાણો - Chardham Yatra 2024

ઉત્તરાખંડ ચારધામ યાત્રા શરૂ થઈ ગઈ છે. દરમિયાન, યમુનોત્રીમાં વધુ એક હાર્ટ એટેકથી ગુજરાતી યાત્રીનું મોત થયું છે. જેના કારણે ચારધામ યાત્રામાં અત્યાર સુધીમાં મૃત્યુઆંક 5 પર પહોંચ્યો છે. જણાવવામાં આવી રહ્યું છે કે 73 વર્ષીય મૃતક ગુજરાતના ગાંધીનગરના રહેવાસી છે.

દેહરાદૂન : ઉત્તરાખંડમાં ચારધામ યાત્રા શરૂ થઈ ગઈ છે. લાખો ભક્તો દેવભૂમિ પહોંચી રહ્યા છે. આ દરમિયાન યમુનોત્રી ધામમાં 73 વર્ષીય વ્યક્તિના મોતનો મામલો સામે આવ્યો છે. યમુનોત્રીમાં વધુ એક હાર્ટ એટેકથી ગુજરાતી યાત્રીનું મોત થયું છે મૃતકની ઓળખ ગાંધીનગર (ગુજરાત)ના રહેવાસી સૂર્યકાંત ખમાર તરીકે થઈ છે. કહેવામાં આવી રહ્યું છે કે સૂર્યકાંત ખમારનું હાર્ટ એટેકના કારણે મોત થયું હતું.

સૂર્યકાંતને બેભાન અવસ્થામાં હોસ્પિટલમાં લાવવામાં આવ્યા : સૂર્યકાંત ખમાર જાનકીચટ્ટીથી થોડે દૂર સૂર્યકાંત (મૃતક વ્યક્તિ) અચાનક બિમાર પડી ગયા હતા, જેના કારણે તેમને બેભાન અવસ્થામાં જાનકીચટ્ટીની હોસ્પિટલમાં સારવાર માટે લઈ જવામાં આવ્યા હતા, જ્યાં તેમને સારવાર માટે ખસેડવામાં આવ્યા હતા. અહીં ડોક્ટરોએ તેમને મૃત જાહેર કર્યો. જે બાદ પોલીસે પંચનામા કરી લાશ પરિવારજનોને સોંપી હતી. તે જ સમયે, સીએમઓ બીએસ રાવતે કહ્યું કે તેઓ સતત યાત્રાળુઓને અપીલ કરી રહ્યા છે કે તેઓ જાનકી છત્ર પાસેની હોસ્પિટલમાં તેમનું ચેકઅપ કરાવે અને ડોક્ટરોની સલાહ લીધા પછી જ યમુનોત્રી ધામ સુધી પગપાળા યાત્રા કરે.

ચારધામ યાત્રામાં અત્યાર સુધીમાં 5 શ્રદ્ધાળુઓના મોત : તમને જણાવી દઈએ કે 10મી મેથી શરૂ થયેલી ઉત્તરાખંડ ચારધામ યાત્રામાં અત્યાર સુધીમાં 5 શ્રદ્ધાળુઓના હાર્ટ એટેકના કારણે મોત થયા છે, જેમાંથી 4 શ્રદ્ધાળુઓ યમુનોત્રી ધામમાં મૃત્યુ પામ્યા છે, જ્યારે પાંચમા ભક્તનું બદ્રીનાથ ધામમાં અવસાન થયું છે. અન્ય એક ઘટનામાં 75 વર્ષીય લક્ષ્મીદેવી ભગવાન બદ્રી વિશાલના દર્શન માટે બદ્રીનાથ ધામ આવ્યા હતાં, ત્યારે અચાનક તેમની તબિયત બગડી. તેમના મૃત્યુનું કારણ હાર્ટ એટેક હોવાનું જણાવાયું હતું. લક્ષ્મી દેવી રાજકોટ (ગુજરાત)ના રહેવાસી હતાં. દરમિયાન, મામલાની ગંભીરતાને ધ્યાનમાં રાખીને, આરોગ્ય પ્રધાન ધનસિંહ રાવતે ગઈકાલે સંબંધિત અધિકારીઓ સાથે એક મહત્વપૂર્ણ બેઠક યોજી હતી. જેમાં આરોગ્ય સચિવને કેદારનાથ ધામની જવાબદારી, આરોગ્ય અધિક સચિવને બદ્રીનાથ ધામની અને જોઈન્ટ સેક્રેટરી અને ડાયરેક્ટર જનરલને ગંગોત્રી અને યમુનોત્રી ધામની જવાબદારી સોંપવામાં આવી હતી.