અમદાવાદ :આજે 11 ફેબ્રુઆરી, મંગળવારના રોજ ચંદ્ર મિથુન રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ:ચંદ્રનું ભ્રમણ આજે મિથુન રાશિમાં છે જે આપની રાશિથી તૃતીય ભાવમાં છે. આપના આજનો દિવસમાં આપને વૈચારિક ગડમથળ વધારે રહેવાની શક્યતા છે. આવી સ્થિતિમાં વધુ પડતા લાગણીના પ્રવાહમાં તમે તણાઈ શકો છો માટે શક્ય હોય ત્યાં સુધી વ્યવહારુ અભિગમ સાથે દરેક બાબત જોવાની સલાહ આપવામાં આવે છે. માતાની તબિયત અંગે વિશેષ ધ્યાન રાખવાની સલાહ છે. સ્થાવર મિલકત બાબતની ચર્ચા ટાળવી. વાહન ચલાવતા ધ્યાન રાખવું. જળાશયોથી દૂર રહેવું. વિદ્યાર્થીઓ માટે સમય મધ્યમ છે. ઓફિસમાં કે વ્યવસાયમાં સ્ત્રીવર્ગથી ચેતતા રહેવાની સલાહ આપવામાં આવે છે.
વૃષભ:ચંદ્રનું ભ્રમણ આજે મિથુન રાશિમાં છે જે આપની રાશિથી દ્વિતિય ભાવમાં છે. આજે આપ તન અને મનથી હળવાશનો અનુભવ કરશો. આપના ઉત્સાહમાં વધારો થશે. આજે આપનું મન સંવેદનશીલ અને લાગણીથી હર્યુંભર્યું હશે. આપની કલ્પનાશક્તિમાં વધારો થાય. પરિણામે આપ એક નવી જ દુનિયામાં વિહાર કરતા જણાઓ. પરિવારની બાબતમાં ઉંડો રસ લેશો અને મિત્રો સાથે પ્રવાસનું આયોજન પણ કરશો. આર્થિક બાબતો પર વધુ લક્ષ્ય આપશો. ભાવતાં ભોજનનો સ્વાદ માણવા મળે.
મિથુન:ચંદ્રનું ભ્રમણ આજે મિથુન રાશિમાં છે જે આપની રાશિથી પ્રથમ ભાવમાં છે. આજે આપને કાર્ય સફળતા મળે પરંતુ થોડો વિલંબ થાય, એમ છતાં તે અંગેના પ્રયત્નો ચાલુ રાખતાં તે પાર પાડી શકશો. નાણાકીય આયોજનોમાં અવરોધ બાદ માર્ગ મોકળો થતો જણાય. નોકરી ધંધામાં સાથી કાર્યકરોનો સંપૂર્ણ સાથ સહકાર મળશે. કુટુંબમાં આનંદનું વાતાવરણ રહે.
કર્ક:ચંદ્રનું ભ્રમણ આજે મિથુન રાશિમાં છે જે આપની રાશિથી દ્વાદશ ભાવમાં છે. શારીરિક માનસિક સુખાકારી જળવાશે. મિત્રો અને સ્વજનો સાથે આજનો દિવસ ખુબ આનંદ ઉલ્લાસથી પસાર કરશો. આપનું મન વધારે લાગણીશીલ રહેશે. દાંપત્યજીવનમાં જીવનસાથી પરત્વે વિશેષ આકર્ષણ અનુભવશો, જેથી મધુરતા રહેશે. પ્રવાસની શક્યતા અને આર્થિક લાભના યોગ છે.
સિંહ: ચંદ્રનું ભ્રમણ આજે મિથુન રાશિમાં છે જે આપની રાશિથી એકાદશ ભાવમાં છે. ચિંતાના બોજથી દૂર રહેવું અન્યથા આપનું આરોગ્ય જોખમાઈ શકે છે. શક્ય હોય ત્યાં સુધી કોઈની સાથે ઉગ્ર દલીલો કે વાદવિવાદથી દૂર રહેવું તેમજ સંઘર્ષની સ્થિતિ ટાળવી. કોર્ટ કચેરીના કામમાં સાવધાનીપૂર્વક પગલું ભરવું. લાગણીના પ્રવાહમાં તણાઇને આપ કોઇ અવિચારીકાર્ય ના કરતા. વાણી અને વર્તનમાં વધુ સંયમ તથા વિવેક જાળવવાની આપને સલાહ છે.
કન્યા:ચંદ્રનું ભ્રમણ આજે મિથુન રાશિમાં છે જે આપની રાશિથી દશમ ભાવમાં છે. તન મનની સ્વસ્થતા સાથેનો ખુશહાલ દિવસ આપને વિવિધ લાભોની લ્હાણી કરાવશે. વેપારીઓ અને નોકરિયાત વર્ગને આર્થિક લાભ થશે. ઉપરી અધિકારીઓ ખુશ રહેતાં બઢતીની શક્યતાઓ વધે. લગ્નોત્સુક પાત્રો માટે અનુકૂળ સંજોગો સર્જાય. સ્ત્રી મિત્રો લાભકાર નીવડે. પ્રાકૃતિક સૌંદર્ય ધરાવતા સ્થળે પર્યટન થાય. લગ્નસુખનો ભરપુર આનંદ માણી શકશો.
તુલા: ચંદ્રનું ભ્રમણ આજે મિથુન રાશિમાં છે જે આપની રાશિથી નવમ ભાવમાં છે. આજે આપના કાર્યો સરળતાથી પાર પડશે. માન પ્રતિષ્ઠામાં વૃદ્ધિ થાય. ઓફિસમાં ઉચ્ચ અધિકારીઓ તરફથી પ્રોત્સાહન મળતાં આપનો આત્મવિશ્વાસ વધશે. વેપારીઓને વેપારમાં તેમજ આવકમાં વૃદ્ધિ થાય. ગૃહસ્થજીવન આનંદપૂર્ણ રહે. આરોગ્ય જળવાય. ઉત્તમ સાંસારિક સુખ પ્રાપ્ત થશે.
વૃશ્ચિક:ચંદ્રનું ભ્રમણ આજે મિથુન રાશિમાં છે જે આપની રાશિથી અષ્ટમ ભાવમાં છે. થાક, આળસ અને ચિંતાથી આપનો કામ કરવાનો ઉત્સાહ થોડ મંદ પડી રહ્યો હોય તેવું લાગશે. વિશેષ કરીને સંતાનો સંબંધિત પ્રશ્નોની આપે વિશેષ કાળજી લેવી પડશે. કાર્યક્ષેત્રે પણ અધિકારીવર્ગ સાથે વિનમ્રતા રાખવી અને કામપૂરતું જ કમ્યુનિકેશન કરવું અન્યથા તેમના વર્તનથી આપને મનમાં ગ્લાનિ થઈ શકે છે. પ્રતિસ્પર્ધીઓ અને વિરોધીઓથી સંભાળીને ચાલજો. વ્યવસાયમાં પ્રતિકૂળ સ્થિતિઓનો સામનો કરવાની પૂર્વતૈયારી રાખશો તો વધુ ફાયદામાં રહેશો. મહત્ત્વના નિર્ણયો ન લેવાની સલાહ છે.
ધન: ચંદ્રનું ભ્રમણ આજે મિથુન રાશિમાં છે જે આપની રાશિથી સપ્તમ ભાવમાં છે. આજે આપને નવા કાર્યોની શરૂઆત ન કરવાની તેમજ આરોગ્યની સંભાળ લેવાની સલાહ છે. શરદી, ખાંસી અને પેટના દર્દોનો ઉપદ્રવ તંદુરસ્તી બગાડશે. ઓપરેશન વગેરેનું આયોજન કર્યું હોય તો પણ આજે શક્ય હોય ત્યાં સુધી મુલત્વી રાખજો. આજે આપના મનમાં સંખ્યાબંધ વિચારો ઘેરાયેલા રહેશે જેથી કોઈ બાબતે તટસ્થ બનીને નિર્ણય લેવામાં મુશ્કેલી પડશે. આવી સ્થિતિમાં જરૂર જણાય તો બીજાનું માર્ગદર્શન લેવામાં અચકાવું નહીં. પાણીજન્ય સમસ્યાઓથી સંભાળજો. ધન ખર્ચમાં વધારો થાય. વાણી અને વર્તન સંયમિત રાખવા જરૂરી છે.
મકર:ચંદ્રનું ભ્રમણ આજે મિથુન રાશિમાં છે જે આપની રાશિથી ષષ્ટમ ભાવમાં છે. કાર્યબોજ અને માનસિક ટેન્શનમાંથી હળવા થઇ મિત્રો, સગાંસ્નેહીઓ સાથે ખુશખુશાલ રીતે આજનો દિવસ પસાર કરશો. વિજાતીય પાત્રો પરત્વે આકર્ષણ અનુભવો. લગ્નસુખ શ્રેષ્ઠ મળે. વેપારીઓ તેમના વેપારને વિસ્તારી શકે. આર્થિક લાભ અને માનસન્માનમાં વૃદ્ધિ થાય. આરોગ્ય જળવાશે. પ્રિયજન સાથે મુલાકાત અને નાનકડો પ્રવાસ આપના આનંદમાં વૃદ્ધિ કરશે.
કુંભ: ચંદ્રનું ભ્રમણ આજે મિથુન રાશિમાં છે જે આપની રાશિથી પંચમ ભાવમાં છે. આપને આજે કાર્ય બોજમાં સફળતા સાથે યશ પણ મળશે, કુટુંબીજનો સાથે વધુ ઉષ્મા અને લાગણીભર્યો વ્યવહાર રહે. શારીરિક તથા માનસિક સ્વસ્થતા રહે. નોકરી ધંધાના સ્થળે સહકર્મચારીઓ આપને સહાયરૂપ બનશે. ઘરમાં આનંદ ઉલ્લાસનું વાતાવરણ રહેશે.
મીન:ચંદ્રનું ભ્રમણ આજે મિથુન રાશિમાં છે જે આપની રાશિથી ચતુર્થ ભાવમાં છે. આજે આપની કલ્પના શક્તિ સોળે કળાએ ખીલશે જેના કારણે સાહિત્ય સર્જન માટે ઉત્તમ દિવસ છે., વિદ્યાર્થીઓ વિદ્યાભ્યાસમાં સારો દેખાવ કરી શકે. આપના સ્વભાવમાં ભાવુક્તા વધારે રહે. પેટના દર્દ થાય. મનમાં અજંપો રહે. માનસિક સમતુલા જાળવી રાખવી. પ્રેમીઓને પ્રણય માટે સાનુકૂળ દિવસ છે.
