স্কুটীসহ দুই কুখ্যাত চোৰক গ্ৰেপ্তাৰ নুনমাটি আৰক্ষীৰ

গুৱাহাটী, ১৬ জুন: নুনমাটি আৰক্ষীয়ে শনিবাৰে গ্ৰেপ্তাৰ কৰে দুই কুখ্যাত চোৰক ৷ চোৰ দুটাক গ্ৰেপ্তাৰ কৰাৰ লগতে জব্দ কৰে চুৰি কৰি অনা এখন এক্টিভা ৷ ধৃত চোৰ দুটা হৈছে ক্ৰমে নুনমাটি বাপুজী নগৰৰ শিৱ দাস আৰু নুনমাটি গাঁওবুঢ়া পথৰ বাবু বড়ো ৷

আৰক্ষী সূত্ৰে জানিব পৰা মতে, ধৃত দুই চোৰে মঠঘৰীয়াৰ বাসিন্দা বিকাশ বায়নৰ ঘৰৰ পৰা AS 01 BF 0379 নম্বৰৰ স্কুটীখন চুৰি কৰিছিল । তাৰপিছত চুৰি স্কুটীখন লৈ গৈ থকা অৱস্থাত নিশা প্ৰায় ১ বজাত নাৰেংগী তিনিআলিত নুনমাটি থানাৰ টহলদাৰী আৰক্ষীৰ সন্মুখীন হৈ পলায়নৰ চেষ্টা কৰে দুই গাড়ী চোৰে । পৰৱৰ্তী সময়ত আৰক্ষীয়ে চোৰ দুটাক খেদি খেদি কৰায়ত্ব কৰে ।