প্ৰাগজ্যোতিষপুৰ আৰক্ষীৰ জালত 12 গৰু সৰবৰাহকাৰী

গুৱাহাটী, 11 জুন : ৰাজ্যত অব্যাহত চোৰাংকৈ গৰু সৰবৰাহ কাৰ্য । সোমবাৰে প্ৰাগজ্যোতিষপুৰ আৰক্ষীয়ে চলোৱা এক অভিযানত জালত পৰে গৰু সৰবৰাহ কাৰ্যৰ সৈতে জড়িত 12 অভিযুক্ত ৷ আৰক্ষীয়ে চাৰিখনকৈ গৰু কঢ়িওৱা বাহন জব্দ কৰাৰ লগতে অভিযানত 12 টা চোৰাংভাৱে সৰবৰাহ কৰা গৰু উদ্ধাৰ কৰিবলৈ সক্ষম হয় ।

ধৃতকেইটা হৈছে চাইদুল ইছলাম, ঈদৰ আলী, মোহৰ আলী, ৰাজীৱ আলী, ছাজাহান আলী, আনোৱাৰ হুছেইন, আইনুল হ’ক, ছাদ্দাম হুছেইন, হাফিজুল ৰহমান, নুৰ মহম্মদ আলী, আব্দুল ৰছিদ আহমেদ আৰু ফাৰাতুল আলী । জানিব পৰা মতে ধৃতকেইটাই মৰিগাঁৱৰ পৰা মেজিক বাহনত গৰুবোৰ গুৱাহাটীলৈ লৈ আহিছিল ।