মণিপুৰত দুই কুকি সংগঠনৰ গুলীচালনাত ইউনাইটেড কুকি লিবাৰেশ্যনৰ চাৰি সদস্য নিহত

শিলচৰ, 10 আগষ্ট: পুনৰ উত্তপ্ত চুবুৰীয়া মণিপুৰ ৰাজ্য । মণিপুৰৰ টেংগন’পাল জিলাত দুই কুকি বিদ্ৰাহী সংগঠনৰ মাজত শুকুৰবাৰে বিয়লি সংঘটিত হয় প্ৰচণ্ড গুলীয়াগুলীৰ ঘটনা । এই গুলীচালনাত ইউনাইটেড কুকি লিবাৰেশ্যনৰ চাৰি সদস্যৰ গুলীবিদ্ধ হৈ মৃত্যু হয় ।

মণিপুৰৰ টেংগন’পাল জিলাৰ মলনয় পল্লেল আৰু মলনম গ্ৰামত দুইপক্ষৰ মাজত সংঘটিত হয় এই গুলীয়াগুলীৰ ঘটনা । ইফালে এই গুলীচালনাৰ ঘটনাৰ সম্ভেদ লাভ কৰাৰ পাছত ঘটনাস্থলীত মণিপুৰ আৰক্ষী উপস্থিত হৈ মৃতদেহকেইটা উদ্ধাৰ কৰে ৷

মণিপুৰ আৰক্ষীয়ে লগতে ঘটনাৰ সন্দৰ্ভত তদন্ত আৰম্ভ কৰিছে ।