পিষ্টল, নগদ ধনসহ আৰক্ষীৰ জালত 3 ড্ৰাগছ সৰবৰাহকাৰী - Drugs peddlers arrested in Duliajan - DRUGS PEDDLERS ARRESTED IN DULIAJAN
Published : Mar 27, 2024, 8:57 AM IST
মৰাণ, 27 মাৰ্চ: দুলীয়াজানত পিষ্টল, মটৰচাইকেলসহ ড্ৰাগছ সৰবৰাহকাৰী আৰক্ষীৰ জিম্মাত ৷ ডিব্ৰুগড় আৰক্ষীয়ে ড্ৰাগছৰ বিৰুদ্ধে তীব্ৰ অভিযান চলাই থকাৰ পাছতো ডিব্ৰুগড় জিলাখনত ড্ৰাগছৰ সৰবৰাহ বন্ধ হোৱা নাই । জিলাখনৰ বিভিন্ন আৰক্ষী থানা এলেকাত প্ৰতিদিনে উদ্ধাৰ হৈ আছে ড্ৰাগছ ।
মংগলবাৰৰ নিশা দুলীয়াজানত অভিযান চলায় আৰক্ষীয়ে পিষ্টল, মটৰচাইকেলসহ এটা ড্ৰাগছ সৰবৰাহকাৰীক কৰায়ত্ত কৰিবলৈ সক্ষম হৈছে । বিশেষ সূত্ৰৰ ভিত্তিত অভিযান চলাই দুলীয়াজান আৰক্ষীয়ে দুলীয়াজানৰ আনন্দপাৰ অঞ্চলৰ পৰা আটক কৰে ড্ৰাগছ মাফিয়া দীনেশ ৰাজভৰক ।
উল্লেখ্য যে, ইয়াৰ পূৰ্বে দিনৰ ভাগত দুলীয়াজান আৰু নাওহলীয়া আৰক্ষীৰ যুটীয়া অভিযানত গাড়ী আৰু নগদ ধনসহ দুই ড্ৰাগছ বেপাৰী আৰক্ষীৰ জালত পৰিছিল । এই দুই ড্ৰাগছ সৰবৰাহকাৰীৰ খবৰৰ ভিত্তিত আৰক্ষীয়ে কৰায়ত্ত কৰিবলৈ সক্ষম হয় দীনেশ ৰাজভৰক ।
লগতে পঢ়ক: ড্ৰাগছৰ বিৰুদ্ধে দুলীয়াজান আৰক্ষীৰ অভিযান; আটক দুই সৰবৰাহকাৰী - Drugs Seized In Duliajan