বিকশিত অসম ! ভৰা নৈৰ মাজত আৱদ্ধ 4 গৰাকীকৈ স্কুলীয়া শিক্ষাৰ্থী - Small boat stuck in Majuli - SMALL BOAT STUCK IN MAJULI
Published : Aug 10, 2024, 10:09 AM IST
মাজুলী, 10 আগষ্ট: বিকশিত অসমত দুৰ্ভাগ্যজনক ঘটনা ৷ টুলুঙা নাৱেৰে ভৰা নৈ পাৰ হ’বলৈ গৈ অথন্তৰৰ সন্মুখীন হ’ল 4 গৰাকীকৈ শিক্ষাৰ্থী ৷ মাজুলীত শুকুৰবাৰে সংঘটিত হৈছে এই ভয়ংকৰ ঘটনাটো । তথ্য অনুসৰি, মাজুলীৰ উত্তৰ পাৰৰ খেৰ কটা নদীত সংঘটিত হৈছে এই অঘটনটো ।
জানিব পৰা মতে, বিদ্যালয় ছুটিৰ পিছত কুলমুৱা ঘাটত টুলুঙা নাৱেৰে খেৰকটা নদী পাৰ হওঁতেই নদীৰ মাজত ডুবি যায় নাওখন। উপায়বিহীন হৈ নাওখনত থকা ছাত্ৰীকেইগৰাকীয়ে নদীৰ মাজত থকা খুঁটা এটা ধৰি প্ৰাণ ৰক্ষা কৰে । ছাত্ৰীগৰাকীয়ে খুঁটাটোত ধৰি থকাৰ সময়তে বাকীকেইগৰাকী ছাত্ৰীয়েও বাস্তৱ বুদ্ধি খটুৱাই সেইগৰাকীৰ গাত ধৰি কথমপি ৰক্ষা পৰে ।
প্ৰত্যক্ষদৰ্শীয়ে ঘটনাটো দেখাৰ পাচতে নদীত জাপ দিয়ে আৰু ছাত্ৰীকেইগৰাকীক উদ্ধাৰ কৰি পাৰলৈ লৈ আনে । ছাত্ৰীকেইগৰাকীৰ ঘৰ উত্তৰ কোলামুৱাত বুলি জানিব পৰা গৈছে । আটাইকেইগৰাকী হামিংৱাৰ্ড বিদ্যালয়ৰ ছাত্ৰী আছিল । ছাত্ৰীকেইগৰাকী ক্ৰমে নেহা দলে, সংগীতা দলে, নাগিনি দলে আৰু পূজা পেগু ।