নোপোৱাৰ বেদনাতকৈ পাই হেৰুওৱাৰ বেদনা অধিক : ৰামানুজনৰ অধ্যক্ষ - Assam HS Result 2024
Published : May 9, 2024, 10:41 AM IST
নগাঁও, 9 মে’ : ৰাষ্ট্ৰীয় শিক্ষানীতিৰ অধীনত প্ৰথমবাৰৰ বাবে ঘোষণা হ'ল উচ্চতৰ মাধ্যমিকৰ চূড়ান্ত পৰীক্ষাৰ ফলাফল ৷ স্থানবিহীন উচ্চতৰ মাধ্যমিকৰ চূড়ান্ত পৰীক্ষাৰ ফলাফল ঘোষণাৰ পাচতেই প্ৰতিক্ৰিয়া প্ৰকাশ কৰিছে নগাঁৱৰ ৰামানুজন চিনিয়ৰ ছেকেণ্ডাৰী স্কুলৰ অধ্যক্ষ দিলীপ বৰাই ৷ বিগত কেইবাবছৰ ধৰি বিজ্ঞান অথবা কলা শাখাত শীৰ্ষ স্থান দখল কৰি অহা ৰামানুজন চিনিয়ৰ ছেকেণ্ডাৰী স্কুলত এইবাৰ নাই পূৰ্বৰ দৰে উৎসৱমুখৰ পৰিৱেশ ৷
ৰাষ্ট্ৰীয় শিক্ষানীতিৰ অধীনত ঘোষণা কৰা এই ফলাফলক বিদ্যালয় কৰ্তৃপক্ষই আদৰণি জনাইছে যদিও নোপোৱাৰ বেদনাতকৈ পাই হেৰুওৱাৰ বেদনা অধিক যন্ত্ৰদায়ক বুলি মন্তব্য কৰে অধ্যক্ষগৰাকীয়ে ৷ সৰ্বভাৰতীয় পর্যায়ত ফেৰ মাৰিব পৰাকৈ ছাত্ৰ-ছাত্ৰীয়ে কেনেদৰে অধ্যয়ন কৰিব লাগিব, অধ্যক্ষগৰাকীয়ে সেয়াও প্ৰকাশ কৰিলে সাংবাদিকৰ আগত ৷ চাওক আমাৰ এই প্ৰতিবেদন ৷