বিজনীত সাম্প্ৰদায়িক সংঘাত সৃষ্টিৰ চেষ্টাৰে দুষ্টচক্ৰৰ পোষ্টাৰিং - Postering of anti social - POSTERING OF ANTI SOCIAL

চিৰাং, ৩ ছেপ্তেম্বৰ: চিৰাঙৰ বিজনীত সাম্প্ৰদায়িক সংঘাত সৃষ্টিৰ চেষ্টা দুষ্টচক্ৰৰ । দুষ্টচক্ৰই বিজনীত 'মিঞা জিন্দাবাদ' লিখি পোষ্টাৰিং কৰাৰ পিছতেই আৰক্ষীয়ে আৰম্ভ কৰিছে তদন্ত ৷ বিজনীৰ দেওকুৰাত 'হিন্দু মুৰ্দাবাদ, মিঞা জিন্দাবাদ ' লিখি অজ্ঞাত লোকে কৰিলে পোষ্টাৰিং ৷ হাতে লিখা পোষ্টাৰ আঁৰিলে বিজনীৰ কেইবাখনো দোকানত ৷

' অসমীয়াৰ দাদাগিৰি নচলিব ',' মিঞাৰ ওপৰত অত্যাচাৰ কৰিলে অসম শান্তিত নাথাকিব' বুলি পোষ্টাৰিঙৰ দ্বাৰা সকীয়নি দুষ্টচক্ৰৰ । ' ধৰ্ষণ কেৱল মিঞাই নহয়,হিন্দুৱেও কৰে ' আদি শ্লোগান লিখি আঁৰি দিয়ে সমাজ বিৰোধী চক্ৰই । ইয়াৰ পিছতেই আজি ঘটনাস্থলীত উপস্থিত হৈ বিজনী থানাৰ আৰক্ষীয়ে পোষ্টাৰ ফালি দিয়াৰ লগতে তদন্ত আৰম্ভ কৰিছে ।  

বিজনীত পূৰ্বতে এইধৰণৰ সাম্প্ৰদায়িক ঘটনা হোৱাৰ উদাহৰণ নাছিল । সেয়েহে এই পোষ্টাৰিং কোনে কৰিলে সেই লৈ সকলোৰে মাজত চৰ্চা হৈছে । এই ঘটনাক কেন্দ্ৰ কৰি সমগ্ৰ চিৰাং জিলা তথা বিজনী নগৰত চাঞ্চল্যৰ সৃষ্টি হৈছে ।