স্বগৃহত ড্ৰাগছ সৰবৰাহকাৰী বাহনৰ খুন্দাত প্ৰাণ হেৰুওৱা উজ্জ্বল বৰাৰ নশ্বৰদেহ - POLICE JAWAN KILLED

যোৰহাট: স্ব-গৃহলৈ অনা হ'ল ড্ৰাগছ সৰবৰাহকাৰী বাহনৰ খুন্দাত প্ৰাণ হেৰুওৱা আৰক্ষী জোৱান উজ্জ্বল বৰাৰ নশ্বৰ দেহ । যোৰহাটৰ জন্মগাঁও চৰাইবাহীৰ চুতীয়াকাৰীত উজ্জ্বল বৰা নশ্বৰ দেহ আহি পোৱা লগে লগে এক শোকাকুল পৰিৱেশে বিৰাজ কৰে । শনিবাৰে শ্ৰী ভূমিত তালাচী দায়িত্ব থকা সময়ত ড্ৰাগছ সৰবৰাহকাৰীয়ে গাড়ীৰে খুন্দিয়াই হত্যা কৰিছিল উজ্জ্বল বৰাক । শ্ৰী ভূমিত নাকা চেকিং চলাই থকাৰ সময়তে ট্ৰাকে মহতিয়াই নিছিল উজ্জ্বল বৰাক । উজ্জ্বল বৰাই ২০২২চন ত অসম আৰক্ষীত চাকৰি লাভ কৰি শ্ৰীভূমিত কৰ্তব্যৰত হৈ আছিল ।  

দেওবাৰে পুৱাৰ ভাগত আৰক্ষী জোৱান উজ্বল বৰাৰ নশ্বৰ দেহ নিজ গৃহত উপস্থিত হোৱাৰ লগে লগে এক শোকাকুল পৰিৱেশ বিৰাজ কৰে অঞ্চলটোত । যোৰহাট জিলাৰ আৰক্ষী অধীক্ষকৰ লগতে আৰক্ষী বিষয়াৰ উপস্থিতিত চালামীৰে জোৱানজনৰ প্ৰতি সন্মান জনাই শেষকৃত্য সম্পন্ন কৰে । অমায়িক স্বভাৱৰ যুৱকজনৰ মৃত্যুৰ উচিত তদন্ত দাবী কৰিছে পৰিয়ালৰ লোকে । উজ্জ্বল বৰা মৃত্যুৰ ঘটনাই অসমত ড্ৰাগছৰ প্ৰচলনৰ প্ৰকৃত ছবিখন উদঙাই দিয়া বুলি উল্লেখ কৰে স্থানীয় ৰাইজে ।