খঙৰ ভমকতে পুত্ৰই কৰিলে ভয়ংকৰ কাণ্ড - SON KILLED HIS MOTHER AT RANGAPARA

ৰঙাপৰা, ৩১ মে': শোণিতপুৰ জিলাৰ ৰঙাপৰাত বৃহস্পতিবাৰে নিশা এক নৃশংস হত্যাকাণ্ড সংঘটিত হয় । পুত্ৰৰ হাতত প্রাণ গ'ল জন্মদাত্ৰীৰ । এই চাঞ্চল্যকৰ ঘটনাটো সংঘটিত হৈছে শোণিতপুৰৰ ৰঙাপৰাৰ লাইদাংপাৰাত । উত্থাপিত অভিযোগ অনুসৰি বৃহস্পতিবাৰে নিশা লাইলাংপাৰা গাঁৱত মাতৃ মঞ্জু নাৰ্জাৰী আৰু পুত্ৰ মংগল সিং নাৰ্জাৰীৰ মাজত কোনো কথাক কেন্দ্ৰ কৰি তীব্ৰ বাক-বিতণ্ডাৰ সৃষ্টি হয় । পাচত পুত্ৰই খঙত অগ্নিশৰ্মা হৈ এডাল বাঁহেৰে মাতৃৰ মূৰত প্ৰহাৰ কৰাত মহিলাগৰাকীৰ থিতাতে মৃত্যু হয় ।  

ইফালে, মাতৃক হত্যা কৰি অভিযুক্ত পুত্ৰ মংগল সিং নাৰ্জাৰীয়ে ঘটনাস্থলীৰ পৰা পলায়ন কৰে । নিশা ৰঙাপৰা আৰক্ষীয়ে হত্যাকাণ্ডৰ খবৰ পোৱাৰ পাচতে অসম-অৰুণাচল সীমান্তৱৰ্তী গাঁওখনত উপস্থিত হৈ মৃতদেহটো উদ্ধাৰ ককৰে । অৱশ্যে আজি পুৱা অভিযুক্তক ৰঙাপৰা আৰক্ষীয়ে গ্ৰেপ্তাৰ কৰিবলৈ সক্ষম হয় ।

অভিযোগ অনুসৰি মংগল সিং নাৰ্জাৰীয়ে প্ৰায়েই সুৰাপান কৰি ঘৰখনত অশান্তিৰ সৃষ্টি কৰি আহিছিল । ইপিনে, ৰঙাপৰা থানাৰ আৰক্ষীয়ে ঘটনা সন্দৰ্ভত ৩৭/২৪ নম্বৰত এটি গোচৰ ৰুজু কৰি তদন্ত অব্যাহত ৰাখিছে ।