চিলনী নৈত গা ধুবলৈ গৈ নিৰুদ্দিষ্ট এগৰাকী কিশোৰ - Boy goes missing - BOY GOES MISSING
Published : Jun 17, 2024, 10:46 PM IST
ডিফু, ১৭ জুন : পূব কাৰ্বি আংলং জিলাৰ সদৰ ডিফুৰ পৰা প্ৰায় ৪০ কিলোমিটাৰ নিলগৰ মাঞ্জা থানাৰ অধীনৰ বনভোজস্থলীত চিলনী নৈত গা ধুবলৈ গৈ নিৰুদ্দেশ হয় এগৰাকী কিশোৰ ৷ নদীৰ কোবাল সোঁতে কিশোৰজনক উটুৱাই নিয়াৰ সন্দেহ কৰা হৈছে । ডিফুৰ পাণবাৰীৰ কনক বসুমতাৰীৰ ১৭ বছৰীয়া পুত্ৰ ৰৌচন বসুমতাৰীয়ে নদীত গা ধুবলৈ নমাৰ পাচতেই নিখোঁজ হৈ পৰে । কিশোৰগৰাকী নিখোঁজ হোৱাৰ খবৰ বিয়পি পৰাৰ লগে লগে হুৱাদুৱা লাগে আৰু চিলনীৰ বন বিভাগৰ লোকে বিচাৰ-খোচাৰ কৰে যদিও কোনো সন্ধান লাভ কৰিবলৈ সক্ষম নহয় । মাঞ্জা থানাৰ আৰক্ষীয়ে ঘটনা সম্পৰ্কে অৱগত হৈ কিশোৰগৰাকীক উদ্ধাৰৰ বাবে এছ ডি আৰ এফৰ সহায় লয় । বাতৰি লিখাৰ পৰলৈকে কিশোৰগৰাকীৰ কোনো সন্ধান লাভ কৰিবলৈ সক্ষম হোৱা নাই ।
লগতে পঢ়ক: এৰাপাত আনিবলৈ গৈ দৈগ্ৰোঙত সলিল সমাধি এজনৰ - Death By Drowning
লগতে পঢ়ক: একেদিনাই চাৰিটি কণমানিৰ সলিল সমাধি : মৰিয়নীত কান্দোনৰ ৰোল - Drowning Death in Jorhat