বৰ্তমান সময়ত প্ৰেম আৰু বিবাহো অনলাইনযোগে ঠিক কৰিব পাৰে ৷ ব্যস্ততাৰ ধমখুমীয়াত সময়ৰ দোষ দি কিছু লোকে জীৱন সংগী বিচাৰিবলৈ এনেধৰণৰ বহু ডেটিং এপ ব্যৱহাৰ কৰে ৷ এই ডেটিং এপবোৰে প্ৰেম আৰু ডেটিঙৰ পথটো বহুত সহজ কৰি তোলে ।
কিন্তু আপোনালোকে জানেনে এই অনলাইন ডেটিং এপৰ ব্যৱহাৰৰ ফলাফল কিমান ভয়াৱহ ? শেহতীয়া এক খবৰ অনুসৰি অনলাইন ডেটিং এপসমূহে আমাৰ গোপনীয়তা ভংগৰ ক্ষেত্ৰত গুৰুত্বপূৰ্ণ ভূমিকা পালন কৰিছে ৷ কিছু অজ্ঞাত ব্যৱহাৰকাৰীসকলৰ বাবে এনেধৰণৰ এপে এতিয়া ভাবুকিৰ সৃষ্টি কৰিছে ৷
বহু সংখ্যক ব্যৱহাৰকাৰীয়ে টিণ্ডাৰ, হিঞ্জ আৰু বাম্বলৰ দৰে ডেটিং এপ ব্যৱহাৰ কৰে ৷ ফায়াৰফক্স নিৰ্মাতা মজিলা ফাউণ্ডেচনৰ শেহতীয়া প্ৰতিবেদন অনুসৰি, টিণ্ডাৰ, বাম্বল আৰু হিঞ্জৰ দৰে ডেটিং এপ্পে বিজ্ঞাপনৰ বাবে আপোনাৰ ব্যক্তিগত তথ্য বিক্ৰী কৰিব পাৰে । কেৱল এয়াই নহয়, ই আপোনাৰ ওপৰত চোৰাংচোৱাগিৰিও কৰিব পাৰে ।
মজিলা ফাউণ্ডেচনৰ গৱেষকসকলৰ মতে, তেওঁলোকে পৰ্যালোচনা কৰা 25 টা ডেটিং এপ, যাৰ ভিতৰত 22 জনে ব্যৱহাৰকাৰীৰ গোপনীয়তাৰ ক্ষেত্ৰত ভাবুকি আহি পৰিছে ৷ তেওঁলোকৰ কিছু তথ্য উলংঘনৰ ৰেকৰ্ডো আছে ।
প্ৰতিবেদন অনুসৰি, ইয়াৰে প্ৰায় 25 শতাংশ এপে আপলোড কৰা ফটো, যৌন তথ্য, ধৰ্ম, জাতি বা অন্যান্য ব্যক্তিগত বিষয়ৰ বিষয়ে আনৰ সৈতে কথোপকথনতো ব্যৱহাৰ কৰিব পাৰে ৷ লগতে, আন সামাজিক মাধ্যমৰ একাউণ্টৰ পৰা লগ ইন কৰা পৰিহাৰ কৰিব ৷ ব্যৱহাৰকাৰীয়ে যিমান সম্ভৱ গোপনীয়তা বৰ্তাই ৰাখক ৷
উল্লেখ্য যে, প্ৰতিবেদনত, টিণ্ডাৰ, হিঞ্জ, বাম্বলৰ দৰে ডেটিং এপবোৰক সৰ্বনিম্ন ৰেটিং দিয়া হৈছে ৷ কাৰণ এইসমূহ এপত গোপনীয়তা অন্তৰ্ভুক্ত কৰা নাছিল ৷ প্ৰকৃততে, ডেটিং এপবোৰত উল্লেখ আছে যে ইয়াত ব্যক্তিগত তথ্য দিয়াটো বৈকল্পিক । বহুতো ডেটিং এপে এনে তথ্যৰ বাবে ব্যৱহাৰকাৰীৰ পৰা অনুমতি বিচাৰে আৰু যদি ব্যৱহাৰকাৰীয়ে তেওঁলোকক অনুমতি নিদিয়ে তেন্তে এই এপটোৱে কাম নকৰে।
লগতে পঢ়ক:ভাৰতত বন্ধ হ’ব X সেৱা ! কিন্তু কিয় ? - X SERVER DOWN IN INDIA
