নিউজ ডেস্ক, 15 অক্টোবৰ:অৱশেষত Samsung এ ভাৰতলৈ আনিলে Samsung Galaxy Ring । পিন্ধিব পৰা এই গেজেটটো এতিয়া Samsung India ৱেবছাইটৰ জৰিয়তে 24 ঘণ্টাৰ সীমিত সময়ৰ বাবে প্ৰি-ৰিজাৰ্ভেচনৰ বাবে উপলব্ধ । ডিভাইচটোৰ প্ৰি-অৰ্ডাৰ কৰাসকলৰ বাবে কোম্পানীয়ে অফাৰ আৰু সুবিধা প্ৰদান কৰিছে ।
2024 চনৰ জুলাই মাহত পেৰিছত অনুষ্ঠিত হোৱা গেলাক্সি আনপেকড ইভেণ্টত গেলাক্সি জেড ফল্ড 6 আৰু জেড ফ্লিপ 6 ৰ সৈতে এই আঙঠিৰ বিষয়ে ঘোষণা কৰা হৈছিল । স্বাস্থ্য আৰু ফিটনেছ বৈশিষ্ট্যৰে ভৰপূৰ, পিন্ধিব পৰা ডিভাইচটো তিনিটা ফিনিচিং আৰু 9 টা আকাৰত আহিছে ।
Samsung Galaxy Ring ৰ প্ৰি-ৰিজাৰ্ভচন
Samsung ইণ্ডিয়া ৱেবছাইটৰ জৰিয়তে 1,999 টকাৰ ৰিফাণ্ডেবল টোকেন পৰিমাণত প্ৰি-ৰিজাৰ্ভেচনৰ বাবে উপলব্ধ গেলাক্সি ৰিং । প্ৰি-বুকিঙত 4,999 টকাৰ বিনামূলীয়া ৱায়াৰলেছ চাৰ্জাৰ ডুঅ’ উপলব্ধ । ইয়াৰ উপৰিও ডিভাইচটো প্ৰি-ৰিজাৰ্ভ কৰা গ্ৰাহকে কোনো ধৰণৰ চাবস্ক্ৰিপশ্যন মাচুল দিব নালাগিব আৰু তেওঁলোকে চাৰ্জিং কেছ আৰু ডাটা কেবলৰ সৈতেও ৰিংটো পাব ।
বিশ্বজুৰি Samsung Galaxy Ring ৰ দাম 399 ডলাৰ, যি ভাৰতীয় মুদ্ৰাৰ তুলনাত প্ৰায় 34 হাজাৰ টকা । Samsung এ এই পিন্ধিব পৰা গেজেটৰ অফিচিয়েল ভাৰতীয় মূল্য প্ৰকাশ কৰা নাই । ইয়াক টাইটানিয়াম ব্লেক, টাইটানিয়াম ছিলভাৰ, আৰু টাইটানিয়াম গোল্ড ৰঙত আগবঢ়োৱা হয় ।