নিউজ ডেস্ক, 15 অক্টোবৰ:উৎসৱৰ বতৰক মনত ৰাখি থলুৱা গাড়ী নিৰ্মাতা কোম্পানী মাৰুতি চুজুকিয়ে মুকলি কৰিছে তেওঁলোকৰ জনপ্ৰিয় প্ৰিমিয়াম হেচবেক Maruti Baleno ৰ Regal Edition ৷ জনাওঁ যে শেহতীয়াকৈ ভাৰত-জাপানী গাড়ী নিৰ্মাতা কোম্পানীটোৱে অতিৰিক্ত আনুষংগিক পেকেজৰ সৈতে নিজৰ মাৰুতি গ্ৰেণ্ড ভিটাৰাৰ ডমিনিয়ন এডিচন মুকলি কৰিছে । এতিয়া কোম্পানীটোৱে মুকলি কৰিছে Baleno ৰ নতুন বিশেষ সংস্কৰণ ।
Maruti Baleno Regal Edition নামৰ এই প্ৰিমিয়াম হেচবেকখন ষ্টেণ্ডাৰ্ড মডেলৰ তুলনাত এটা বিনামূলীয়া এক্সেচৰি কিটৰ সৈতেও আহে । ৰিগেল এডিচন Baleno মেনুৱেল, অটোমেটিক আৰু চিএনজি ভেৰিয়েন্টকে ধৰি সকলো ভেৰিয়েন্টতে উপলব্ধ ।
এই মুকলি সন্দৰ্ভত কোম্পানীৰ মন্তব্য?
Maruti Baleno Regal Edition মুকলি কৰাৰ সন্দৰ্ভত মন্তব্য কৰি মাৰুতি চুজুকি ইণ্ডিয়া লিমিটেডৰ বিপণন আৰু বিক্ৰীৰ জ্যেষ্ঠ কাৰ্যবাহী বিষয়া পাৰ্থো বেনাৰ্জীয়ে কয়, “Baleno ৱে সদায় প্ৰিমিয়াম হেচবেক ছেগমেণ্টত আগৰণুৱা হৈ আহিছে, গ্ৰাহকৰ আশাক পুনৰ সজ্জীৱিত কৰি আহিছে ।”
তেওঁ লগতে কয়, "এই উৎসৱৰ বতৰক আমাৰ গ্ৰাহকৰ বাবে অধিক ৰোমাঞ্চকৰ আৰু উপভোগ্য কৰি তুলিবলৈ আমি নতুন Baleno Regal Edition টো সযতনে তৈয়াৰ কৰিছো । ইয়াত আকৰ্ষণীয় অভ্যন্তৰীণ আৰু বাহ্যিক উন্নীতকৰণৰ সৈতে সুকীয়া ষ্টাইলিঙৰ বৈশিষ্ট্য আছে ।"
Baleno Regal Edition ৰ বৈশিষ্ট্য
ৰিগেল এডিচনে কেবিনত আৰাম বৃদ্ধি কৰিবলৈ আৰু প্ৰিমিয়াম হেচবেকৰ ষ্টাইলিছ আবেদন বৃদ্ধি কৰিবলৈ সযতনে কিউৰেট কৰা আনুষংগিক সামগ্ৰীৰ পৰিসৰ আগবঢ়ায় । বাহিৰৰ কথা ক’বলৈ গ’লে ই গ্ৰীলৰ বাবে ওপৰৰ গাৰ্নিচ, ফ্ৰন্ট আণ্ডাৰবডি স্পয়লাৰ আৰু ফগ লেম্প গাৰ্নিচ পায় ।