হায়দৰাবাদ: ভাৰতত চেমচাঙৰ জনপ্ৰিয়তা অতি বেছি । আনকি কিছুমান ব্যৱহাৰকাৰীয়ে আইফোনৰ সলনি চেমচাঙৰ প্ৰিমিয়াম চেটও ক্ৰয় কৰে । ইফালে দক্ষিণ কোৰিয়াৰ কোম্পানী চেমচাঙে আগন্তুক গেলাক্সি এছ 25 ছিৰিজ ভাৰতত মুকলি কৰাৰ পৰিকল্পনা কৰিছে । কোৱা হৈছে যে এই চিৰিজ অহা বছৰ মুকলি কৰিব পাৰিব । ইয়াৰ পূৰ্বৰ ছিৰিজতকৈ অধিক উন্নীতকৃত সংস্কৰণ আছে ।
তথ্য অনুসৰি কোম্পানীটোৱে 2025 চনৰ জানুৱাৰী মাহত গেলাক্সি S25 ছিৰিজ মুকলি কৰিব । এই ছিৰিজৰ অধীনত কোম্পানীটোৱে 4টা স্মাৰ্টফোন মুকলি কৰিব । ইয়াৰ ভিতৰত আছে চেমচাং গেলেক্সি এছ 25, গেলাক্সি এছ 25 প্লাছ, গেলাক্সি এছ 25 আল্ট্ৰা আৰু নতুন গেলাক্সি এছ 25 শ্লীম ভেৰিয়েণ্ট ।
Samsung Galaxy S25 মুকলিৰ দিন
চেমচাঙে এতিয়াও আনুষ্ঠানিকভাৱে চেমচাং গেলেক্সি S25 আল্ট্ৰা মুকলি কৰাৰ তাৰিখ ঘোষণা কৰা নাই যদিও সম্ভাৱ্য মুকলিৰ তাৰিখৰ বিষয়ে আলোচনা কৰা হৈছে । এক প্ৰতিবেদন অনুসৰি অহা বছৰৰ 22 জানুৱাৰীত অনুষ্ঠিত হ’বলগীয়া এক অনুষ্ঠানত ভাৰত আৰু অন্যান্য বজাৰত নতুন গেলাক্সি S25 আল্ট্ৰা মুকলি কৰিব পাৰে ।
দাম কিমান হ’ব ?
চলিত বৰ্ষৰ জানুৱাৰী মাহত ভাৰতত আত্মপ্ৰকাশ কৰা ছেমছাং গেলেক্সি S24 আল্ট্ৰা ছিৰিজৰ মূল্য আছিল 1,29,999 টকা । আগন্তুক Samsung Galaxy S25 Ultra ৰ দাম একেধৰণৰ বুলি কোৱা হৈছে যদিও লঞ্চ ইভেণ্টত ইয়াৰ সঠিক মূল্য প্ৰকাশ কৰা হ’ব ।
কি কি বৈশিষ্ট্য উপলব্ধ?
- চেমচাং গেলেক্সি এছ 25 আল্ট্ৰাই লাভ কৰিব কোৱালকমৰ শেহতীয়া স্নেপড্ৰেগন 8 এলিট চিপছেট ।
- স্মাৰ্টফোনটোত নতুন গেলাক্সি এআই ফিচাৰ থাকিব পাৰে ।
- হেণ্ডছেটটোত এডভান্স এ আই প্ৰচেছিঙৰ সৈতে 200 MP ৰ ৰিয়াৰ কেমেৰা থাকিব বুলি আশা কৰা হৈছে ।
- Galaxy S25 Ultra ত 12MP আল্ট্ৰা-ৱাইড কেমেৰা আৰু 3x আৰু 10x অপটিকেল জুমৰ সৈতে দুটা টেলিফটো লেন্স থাকিব পাৰে ।
- এই স্মাৰ্টফোনটোৱে 100x স্পেচিয়েল জুম দিব পাৰে ।
- ডিছপ্লেৰ কথা ক’বলৈ গ’লে ই 120 হাৰ্টজৰ ৰিফ্ৰেছ ৰেটৰ সৈতে 6.9 ইঞ্চিৰ Dynamic AMOLED 2X ডিছপ্লে লাভ কৰিব পাৰে ।
- পূৰ্বৰ হেণ্ডছেটটোৰ দৰেই এই হেণ্ডছেটটোতো টাইটানিয়াম ফ্ৰেম, চোকা প্ৰান্ত আৰু পাতল বেজেল (ফোনটোৰ চাৰিওফালে থকা সুৰক্ষামূলক কভাৰিং) আছে ।
