হায়দৰাবাদ: ভাৰত নিউ কাৰ এচেছমেণ্ট প্ৰগ্ৰেমে মহিন্দ্ৰাৰ XEV 9e আৰু BE 6 ইলেক্ট্ৰিক এছ ইউ ভিক পঞ্চতাৰকা ক্ৰেচ টেষ্ট ৰেটিং প্ৰদান কৰিছে । মাহিন্দ্ৰা ব্ৰেণ্ডৰ দুয়োখন ইভিয়ে প্ৰাপ্তবয়স্ক আৰু শিশুৰ সুৰক্ষাৰ বাবে পাঁচ তাৰকাযুক্ত সুৰক্ষা ৰেটিং লাভ কৰিছে । বিএনচিএপিয়ে দুয়োখন ইলেক্ট্ৰিক এছইউভিৰ সৰ্বোচ্চ স্পেকযুক্ত ভেৰিয়েণ্ট পৰীক্ষা কৰিছে । ভাৰতীয় বজাৰত উপলব্ধ সকলো ভেৰিয়েন্টৰ বাবে এই সুৰক্ষা ৰেটিং প্ৰযোজ্য ।
Mahindra XEV 9e
ফাইভ ষ্টাৰ ৰেটিং পোৱা মহিন্দ্ৰা XEV 9e এ দুৰ্ঘটনা পৰীক্ষাৰ সময়ত প্ৰাপ্তবয়স্ক আৱাসী সুৰক্ষাৰ বাবে সম্পূৰ্ণ 32 পইণ্ট লাভ কৰাৰ বিপৰীতে শিশু সুৰক্ষাৰ বাবে 49 পইণ্টৰ ভিতৰত 45 পইণ্ট লাভ কৰিছে । তদুপৰি ইভিয়ে ডিফৰ্মেবল বেৰিয়াৰ আৰু চাইড মুভেবল ডিফৰ্মেবল বেৰিয়াৰ পৰীক্ষাত এ অ’ পিৰ বাবে সম্পূৰ্ণ 16 পইণ্ট লাভ কৰে । বিএনচিএপিয়ে গাড়ীখনক চাইড পল ইমপেক্ট টেষ্টৰ বাবে "OK" ৰেটিং প্ৰদান কৰিছে ।
Mahindra BE 6
XEV 9e, মহিন্দ্ৰা BE 6 য়েও লাভ কৰে ফাইভ ষ্টাৰ ৰেটিং । এই ৰেটিংৰ সৈতে ইলেক্ট্ৰিক এছ ইউ ভিখনে শ্ৰেষ্ঠ বিএনচিএপি ৰেটিং পোৱা গাড়ীসমূহৰ ভিতৰত অন্যতম হৈ পৰিছে । ইলেক্ট্ৰিক এছ ইউ ভিখনে প্ৰাপ্তবয়স্ক অক্যুপেণ্ট ক্ৰেচ ছেফটি ৰেটিংৰ বাবে 32 ৰ ভিতৰত 31.97 লাভ কৰে । ইফালে ইভিখনে শিশুৰ দুৰ্ঘটনা পৰীক্ষাৰ বাবে 49 ৰ ভিতৰত 45 নম্বৰ লাভ কৰে ।
Mahindra XEV 9e, BE 6 সুৰক্ষা বৈশিষ্ট্য
মহিন্দ্ৰা XEV 9e আৰু BE 6 দুয়োটা ব্ৰেণ্ডৰ INGLO প্লেটফৰ্মৰ ওপৰত ভিত্তি কৰি তৈয়াৰ কৰা হৈছে । লেভেল 2 এডিএএছ ছুইটৰ দৰে সুৰক্ষা বৈশিষ্ট্যৰে সজ্জিত । ইয়াত লেন চেঞ্জ, ইমাৰ্জেন্সি ষ্টিয়াৰিং এচিষ্ট, ব্লাইণ্ড স্পট ডিটেকচন, ক্ৰছ-ট্ৰেফিক এলাৰ্ট, ফ্ৰন্ট কলিজিয়ন ৱাৰ্নিং আদি বহুতো বৈশিষ্ট্য আছে । ইয়াৰ লগতে ইভিসমূহত 360 ডিগ্ৰী কেমেৰা, হেডছ-আপ ডিছপ্লে (HUD), এটা টিপিএমএছ, ব্লাইণ্ড ভিউ মনিটৰ, নিৰাপদ 360 লাইভ ভিউ, ৰেকৰ্ডিং, বুদ্ধিমান ইলেক্ট্ৰনিক ব্ৰেক বুষ্টাৰ, ইলেক্ট্ৰনিক পাৰ্কিং ব্ৰেক, ফ্ৰন্ট ফগ লেম্প, কৰ্ণাৰিং লেম্প, অটো বুষ্টাৰ লেম্প আৰু সাতটা এয়াৰবেগ আছে ।
