নিউজ ডেস্ক, 1 অক্টোবৰ:জিঅ’ই প্ৰৱৰ্তন কৰিছে নতুন ৰিচাৰ্জ প্লেন । যিটো প্লেনে বহু ব্যৱহাৰকাৰীক আকৰ্ষিত কৰিব । মাত্ৰ 75 টকা ৰিচাৰ্জ কৰিলে 23 দিনৰ বাবে বহুতো সুবিধা লাভ কৰিব । অৰ্থাৎ মাত্ৰ 3 টকাৰ বিনিময়ত আপুনি প্ৰতিদিনে আনলিমিটেড কলৰ লগতে 0.1 GB ডাটা আৰু 50 টা বিনামূলীয়া এছএমএছ লাভ কৰিব । মধ্যবিত্ত লোকসকললৈ লক্ষ্য ৰাখি কোম্পানীয়ে আনিছে এই নতুন সস্তীয়া প্লেন ।
Jio 75 ৰিচাৰ্জ প্লেন
জিঅ’ৰ নতুন ৰিচাৰ্জ প্লেনত প্ৰতিদিনে 0.1 GB ডাটা, আনলিমিটেড কলিং, 50টা বিনামূলীয়া এছএমএছ আৰু অন্যান্য সুবিধাসমূহ মাত্ৰ 3 টকাত উপলব্ধ ৷ মুঠ ডাটা প্ৰদান কৰা হ’ব 2.5 GB উপলব্ধ । গ্ৰাহকে দৈনিক 0.1GB বা 100 মেগাবাইট ডাটা ব্যৱহাৰ কৰিব পাৰিব । এই ডাটা পিৰিয়ড শেষ হোৱাৰ পিছত ব্যৱহাৰকাৰীয়ে অতিৰিক্ত 200 মেগাবাইট ডাটাও পাব । ইয়াৰ লগতে জিঅ’ চিনেমা, জিঅ’ টিভি আৰু জিঅ’ ক্লাউড চাবস্ক্ৰিপশ্যন বিনামূলীয়াকৈ লাভ কৰিব ।
BSNL ৰ সস্তীয়া প্লেনৰ প্ৰতিদ্বন্দী হিচাপে জিঅ’ৰ 75 টকীয়া ৰিচাৰ্জ প্লেন
শেহতীয়াকৈ জিঅ’ৰ ৰিচাৰ্জ প্লেন ব্যয়বহুল হৈ পৰিছে । তাৰ পিছত গ্ৰাহকৰ মাজত বি এছ এন এলৰ তুলনামূলকভাৱে সস্তা ৰিচাৰ্জ প্লেন ব্যৱহাৰকাৰীসকলে পছন্দ কৰিছিল । ইয়াৰ প্ৰতি লক্ষ্য ৰাখি ভাৰতৰ সৰ্ববৃহৎ টেলিকম ৰিলায়েন্স জিঅ’ই এনে এটা সস্তীয়া প্লেন আৰম্ভ কৰিছে । 2024 চনৰ জুলাই মাহত দেশৰ তিনিটা প্ৰধান ব্যক্তিগত টেলিকম কোম্পানী জিঅ’, এয়াৰটেল আৰু ভোডাফোন আইডিয়া (Vi)এ ক্ৰমে 7.50 লাখ, 16.9 লাখ আৰু 14.1 লাখ গ্ৰাহক হেৰুৱাইছে । কেৱল চৰকাৰী টেলিকম কোম্পানী ভাৰত সঞ্চাৰ নিগম লিমিটেডে লাভ কৰিছে 29.3 লাখ গ্ৰাহক । 2024 চনৰ জুলাই মাহত 3 টা ব্যক্তিগত কোম্পানীয়ে 11-25% শুল্ক বৃদ্ধি কৰে । অৱশ্যে BSNL এ এই শুল্ক বৃদ্ধি কৰা নাছিল ।
গ্ৰাহকক আকৰ্ষণ কৰিবলৈ জিঅ’ৰ নতুন পৰিকল্পনা