নিউজ ডেস্ক, 2 অক্টোবৰ:গুগলৰ কৃত্ৰিম বুদ্ধিমত্তা (AI) চেটবটৰ বাবে দুই তৰপীয়া ভইচ চেট বৈশিষ্ট্য Gemini Live এতিয়া সকলো এণ্ড্ৰইড ব্যৱহাৰকাৰীৰ বাবে উপলব্ধ । প্ৰথমে গুগল ৱান এআই প্ৰিমিয়াম প্লেনৰ জৰিয়তে Gemini ব্যৱহাৰকাৰীৰ বাবে এই বৈশিষ্ট্য মুকলি কৰা হৈছিল যদিও এতিয়া কোম্পানীয়ে ইয়াক সকলো ব্যৱহাৰকাৰীৰ বাবে মুকলি কৰিছে ।
অৱশ্যে এই বৈশিষ্ট্যৰ মূল সংস্কৰণহে ব্যৱহাৰকাৰীৰ বাবে উপলব্ধ কৰা হৈছে । বিনামূলীয়া সেৱাই দহটা ভিন্ন কণ্ঠৰ মাজৰ পৰা পছন্দৰ কণ্ঠটো বাচনি কৰাৰ সুবিধা প্ৰদান নকৰে । চলিত মাহৰ আৰম্ভণিতে এক প্ৰতিবেদনত প্ৰকাশ পাইছিল যে গুগলে এই বৈশিষ্ট্য সকলো এণ্ড্ৰইড ব্যৱহাৰকাৰীৰ বাবে মুকলি কৰিছে ।
Gemini Liveআইফোন ব্যৱহাৰকাৰীৰ বাবে নহয়
মন কৰিবলগীয়া যে Gemini Live এপটো এতিয়াও iOS ত উপলব্ধ নহয়, গতিকে Gemini Live বৈশিষ্ট্য আইফোন ব্যৱহাৰকাৰীৰ বাবে উপলব্ধ নহ’ব । অৱশ্যে কম্পেটিবল ডিভাইচ আৰু Gemini Live এপ থকা এণ্ড্ৰইড ব্যৱহাৰকাৰীসকলে এতিয়া মাইক্ৰ’ফোন আৰু কেমেৰা আইকনৰ কাষত তলৰ সোঁফালৰ চুকত স্পাৰ্কল আইকন থকা ৱেভফৰ্ম আইকন দেখা পাব ।
তৰংগ আকৃতিৰ আইকনত টেপ কৰিলে ব্যৱহাৰকাৰীয়ে Gemini Live বৈশিষ্ট্যবোৰৰ সুবিধা আদায় কৰিব পাৰিব । সহজ ভাষাত ক’বলৈ গ’লে ই হৈছে দুমুখীয়া ভয়েচ চেট বৈশিষ্ট্য য’ত ব্যৱহাৰকাৰী আৰু কৃত্ৰিম বুদ্ধিমত্তা দুয়োজনে বাক্যৰ জৰিয়তে কথা পাতে । যদিও কৃত্ৰিম বুদ্ধিমত্তায়ে সাৱলীলভাৱে কথা কয় আৰু সামান্য ভয়েচ মডুলেচন দেখুৱায়, তথাপিও ই ChatGPT এডভান্সড ভইচ মোড বৈশিষ্ট্যৰ সৈতে একে নহয়, যিটো আৱেগিক কণ্ঠ আৰু ব্যৱহাৰকাৰীৰ কথাৰ প্ৰতি প্ৰতিক্ৰিয়া প্ৰকাশ কৰাৰ ক্ষমতাৰ সৈতে উপলব্ধ ।