সুৰাৰ ৰাগীত ভাগিনীয়েকক শিৰচ্ছেদ মোমায়েকৰ
মৰিগাঁও, 29 মাৰ্চ : মৰিগাঁও জিলাৰ সমীপৱৰ্তী ময়নগুৰিত লোমহৰ্ষক হত্য়াকাণ্ডৰ ঘটনা সংঘটিত হৈছে । সুৰাৰ ৰাগীত মাতাল হৈ মোমায়েকে শিৰচ্ছেদ কৰিলে ভাগিনীয়েকক ৷
ঘটনাৰ বিৱৰণী অনুসৰি, শুকুৰবাৰে দুপৰীয়াৰ ভাগত গাঁও প্ৰধানগৰাকীলৈ ৰূপন লস্কৰ নামৰ লোকজনে এজন লোকক শিৰচ্ছেদ কৰি হাতত কটা মুণ্ড আৰু দা লৈ পথত থিয় হৈ থকা বুলি খবৰ দিয়ে ৷ এই খবৰ পোৱাৰ লগে লগে গাঁও প্ৰধানগৰাকী ঘটনাস্থলীত উপস্থিত হয় ৷
তেওঁ আহি দেখে যে, ৰূপনে ভাগিনীয়েক ভৌমিক কোঁৱৰক দাৰে ঘপিয়াই হত্যা কৰি হাতত মুণ্ডটো লৈ ঘটনাস্থলীত উপস্থিত আছে ৷ লগে লগে গাঁৱৰ লোকে ঘটনা সন্দৰ্ভত আৰক্ষীক অৱগত কৰে ৷
লগে লগে স্থানীয় আৰক্ষীয়ে ঘটনাস্থলীত উপস্থিত হৈ ৰূপন লস্কৰক গ্ৰেপ্তাৰ কৰে ৷ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰা হৈছে বুলি জানিব পৰা গৈছে ৷