গুইলেইন-বেৰে চিণ্ড্ৰ'মক কিদৰে প্ৰতিৰোধ কৰিব ?

গুইলেইন-বেৰে চিণ্ড্ৰ'মত আক্ৰান্ত কিশোৰীৰ মৃত্যু গুৱাহাটীত । কেনেকৈ আপুনি ৰক্ষা কৰিব আপোনাৰ সন্তানক ?

গুৱাহাটী:সাৱধান । সমগ্ৰ দেশজুৰি আতংকৰ সৃষ্টি কৰা গুইলেইন-বেৰে চিণ্ড্ৰ'মে এতিয়া অসমত আহি প্ৰৱেশ কৰিছে । এই ৰোগত আক্ৰান্ত হৈছে দেশৰ বহু শিশু-কিশোৰ । ইতিমধ্যে এই ৰোগত আক্ৰান্ত হৈ প্ৰাণ হেৰুৱালে গুৱাহাটীৰ এগৰাকী কিশোৰীয়ে । এই খবৰ বিয়পি পৰাৰ লগে লগে চাঞ্চল্য বিৰাজ কৰিছে ৰাজ্যত ।

স্বাভাৱিকতে অসমতো এই ৰোগৰ প্ৰাদুৰ্ভাৱ ঘটাত এতিয়া উদ্বিগ্ন হৈ পৰিছে শিশু তথা কিশোৰ-কিশোৰীৰ অভিভাৱকসকল । অসমকে ধৰি সমগ্ৰ দেশত এই ৰোগত আক্ৰান্ত হৈ ৫ গৰাকী শিশু-কিশোৰীৰ মৃত্যু হৈছে ।

• গুইলেইন-বেৰে চিণ্ড্ৰ'ম কি ?

এই ৰোগৰ সন্দৰ্ভত মহানগৰীৰ এখন ব্যক্তিগতখণ্ডৰ চিকিৎসালয়ৰ শিশু বিশেষজ্ঞ ডাঃ পাৰ্থ প্ৰতীম বৰাই কয়, "জি বি এচ এটা বিৰল ৰোগ । জি বি এচ ৰোগৰ সম্পূৰ্ণ নাম হৈছে গুইলেইন-বেৰে চিণ্ড্ৰ'ম । ১ লাখ মানুহত ভিতৰত ১ জনৰ দেহত দেখা দিয়ে এই ৰোগে । মহাৰাষ্ট্ৰত এই ৰোগত আক্ৰান্ত ৰোগীৰ সংখ্যা অধিক । পানী আৰু খাদ্যৰ পৰা এই ৰোগ হয় । পানীত থকা বেক্টেৰিয়া পোৱা গৈছে এই ৰোগত আক্ৰান্ত ৰোগীৰ দেহত ।"

• কি দৰে আক্ৰমণ কৰে এই ৰোগে ?

শিশু বিশেষজ্ঞগৰাকীয়ে কয়, "আক্ৰান্ত শিশুৰ স্নায়ুৰ দুৰ্বল হৈ শৰীৰ সকলো বিকল হৈ শেষত মৃত্যু হয় । এই ৰোগে শৰীৰত দুই প্ৰকাৰে আক্ৰমণ কৰে, ১. ভৰিৰ পৰা মগজু লৈকে, ২. মগজুৰ পৰা ভৰিৰ লৈকে ।"

• কিদৰে পাব পাৰি পৰিত্ৰাণ ?

চিকিৎসকগৰাকীয়ে কয়,"এই ভাইৰাছ পানী বা খোৱা বস্তুৰ পৰা হয় । ভালকৈ নৰন্ধা মাছ-মাংস, অপৰিস্কাৰ পানী খোৱাকে আদি কৰি বিভিন্ন কাৰণত এই ৰোগত আক্ৰান্ত হ'ব পাৰে । সেয়ে খাদ্য খাওঁতে সাৱধান হ'ব লাগে আৰু পৰিষ্কাৰলৈ খাদ্য ৰান্ধি খাব লাগে ।"

লগতে পঢ়ক:সাৱধান নহ'লেই বিপদ ! জি বি এছ ৰোগত আক্ৰান্ত হৈ গুৱাহাটীত কিশোৰীৰ মৃত্য়ু - GUILLAIN BARRE SYNDROME