গোলাঘাট, ৫ আগষ্ট :গোলাঘাট জিলাৰ নুমলীগড়ৰ দেওপাহাৰৰ গাতে লাগি আছে নক্সা পাহাৰ বা বাগসা পাহাৰ ৷ দেওপাহাৰত থকা ভগ্নাৱশেষ সমূহৰ দৰে এই পাহাৰখনৰ চাৰিওফালে কিছুমান বাকচ আকৃতিৰ শৈল ভাস্কৰ্য সিচঁৰিত হৈ আছে । এই ভগ্নাৱশেষ সমূহৰ লগত মহাভাৰতৰ কাহিনী বিজড়িত হৈ আছে বুলি জনশ্ৰুতি আছে ।
নুমলীগড়ৰ নক্সা পাহাৰ (ETV Bharat Assam)
ভীম আৰু জৰাসন্ধৰ যুদ্ধৰ ঘটনা আছে জড়িত :
জনবিশ্বাস অনুসৰি ভীম আৰু জৰাসন্ধৰ যুদ্ধৰ লগত এই স্থানৰ শৈল-ভগ্নাৱশেষ সমূহৰ সম্পৰ্ক আছে । জৰাসন্ধই এই বাগসা পাহাৰৰ শিলৰ বাকচ আকৃতিৰ কাৰাগাৰ তৈয়াৰ কৰি বহু লোকক বন্দী কৰি ৰাখিছিল । তাৰ পাচতে ভীমে জৰাসন্ধক বধ কৰিয়ে তেওঁৰ গদাৰে এই বাকচ আকৃতিৰ কাৰাগাৰ ভাঙি বন্দীসকলক মুকলি কৰিছিল আৰু তাৰ পাচৰে পৰা এই পাহাৰখনৰ নাম বাগসা পাহাৰ বুলিও বহুতে বিশ্বাস কৰে ।
দেওপাহাৰৰ শৈলমূৰ্তিৰ বাবে শিলাখণ্ড আনিছিল কাৰ্বি পাহাৰৰ পৰা :