19 দিন ধৰি নিৰুদ্দিষ্ট 4 জনকৈ লোক ; শুংসূত্ৰ উলিওৱাত ব্যৰ্থ আৰক্ষী - Women and child missing in JOnai

Jonai missing: 19 দিন ধৰি নিৰুদ্দিষ্ট জোনাইৰ অসম-অৰুণাচল সীমান্তৰ লেকু গাঁৱৰ একেটা পৰিয়ালৰ চাৰিজনকৈ লোক । পৰিয়ালৰ মাজত হাহাকাৰ পৰিস্থিতি । শুংসূত্ৰ উলিওৱাত ব্যৰ্থ আৰক্ষী ৷

জোনাই, 2 মাৰ্চ: জোনাইৰ অসম-অৰুণাচল সীমান্তত আশ্চৰ্যজনক ঘটনা ৷ অসম-অৰুণাচল সীমান্তৰ লেকু গাঁৱৰ একেটা পৰিয়ালৰ পৰা নিৰুদ্দেশ হৈ আছে চাৰিজনকৈ লোক ৷

জানিব পৰা মতে, 14 মাৰ্চৰ পৰাই জোনাইৰ আদি লেকুৰ একেটা পৰিয়ালৰ চাৰিজন সদস্য নিৰুদ্দেশ হৈ আছে ৷ ইতিমধ্যে পৰিয়ালৰ লোকে অৰুণাচলৰ ৰুকচিন থানাত গোচৰ ৰুজু কৰিছে যদিও সন্ধান উলিয়াব পৰা নাই নিৰুদ্দিষ্ট লোককেইজনৰ ৷ পৰিয়ালৰ লোকে ঘটনা সন্দৰ্ভত সন্দেহৰ আঙুলি তুলিছে ৰাজেশ শ্বাহ নামৰ এজন ব্যক্তিলৈ ৷ সমগ্ৰ ঘটনাৰ সৈতে ৰাজেশ শ্বাহ জড়িত হৈ আছে বুলি অভিযোগ তোলে পৰিয়ালৰ লোকে ৷

19 দিন ধৰি পৰিয়ালটোৰ 4 জনকৈ লোকৰ সন্ধান নোহোৱাত পৰিয়ালৰ লোকসকলৰ মাজত হাহাকাৰ পৰিস্থিতিৰ সৃষ্টি হৈছে ৷ পৰিয়ালৰ লোকে জনোৱা মতে, বিগত মাৰ্চ মাহৰ 14 তাৰিখে পুৱাই বেংকলৈ বুলি ওলায় যোৱাৰ পিছৰে পৰা নিৰুদ্দেশ হৈ পৰে পৰিয়ালটোৰ লোককেইজন । নিৰুদ্দেশ হোৱা লোককেইজনৰ ভিতৰত এজন ছাত্ৰও আছিল বুলি জানিব পৰা গৈছে ৷

ঘটনাৰ পিছতে পৰিয়ালৰ লোকে জোনাইৰ লগতে অৰুণাচলৰ বিভিন্ন ঠাইত বিচাৰ খোচাৰ কৰে যদিও কোনোধৰণৰ সম্ভেদ পাবলৈ সক্ষম নহ'ল বুলি সংবাদ মাধ্যমৰ আগত প্ৰকাশ কৰে । ইফালে ভুক্তভোগী পৰিয়ালটোৱে ঘটনা সন্দৰ্ভত অৰুণাচলৰ ৰুকচিন থানাত এজাহাৰ দাখিল কৰিছে যদিও আজি পৰ্যন্ত কোনো খবৰ লাভ কৰিবলৈ সক্ষম নোহোৱাত আক্ষেপ প্ৰকাশ কৰে পৰিয়ালটোৱে ।

নিৰুদিষ্ট লোককেইজন মিৰ্জা বেগম, আচিয়া খাটুন, ইচুফ আলি আৰু মিৰাজ আলি । ইফালে ভুক্তভোগী পৰিয়ালে সন্ধানহীন লোককেইজনক যদি কোনো সদাশয় ব্যক্তিয়ে ক’ৰবাত প্ৰত্যক্ষ কৰে তেন্তে সমীপৰ আৰক্ষী থানা অথবা 8473043190 মোবাইল নম্বৰত যোগাযোগ কৰিবলৈ কাতৰভাবে আহ্বান জনাইছে ।

লগতে পঢ়ক:ঘৰৰ ওচৰতে খেলিবলৈ গৈছিল অভিলাষ, তাৰ পিচৰে পৰাই নাই শুংসূত্ৰ - missing case in Guwahati