তিনিচুকীয়া : আনৰ প্ৰাণ বচাবলৈ গৈ এতিয়া নিজেই নিখোঁজ । জীয়াই আছেনে নাই তাতো সন্দেহ । দেওবাৰে তিনিচুকীয়াৰ দিনজান ঘাটত সংঘটিত হৈছিল এক অতি দুখজনক ঘটনা । নাও দুৰ্ঘটনাত পতিত লোকক উদ্ধাৰ কৰিবলৈ যোৱা এজন লোকক উদ্ধাৰ কৰা লোকসকলেই অতি নিৰ্মমভাৱে প্ৰহাৰ কৰি নৈত পেলাই দিয়ে । তাৰ পিছৰে পৰা নিখোঁজ হৈ আছে লোকজন ।
দিনজান ঘাটত সংঘটিত নাও দুৰ্ঘটনাত নিখোঁজ হৈ থকা মনোজ প্ৰায়া নামৰ লোকজনক বিচাৰি সোমবাৰেও এছ ডি আৰ এফে অভিযান অব্যাহত ৰাখে । উল্লেখ্য যে দেওবাৰে পানীতোলাৰ দিনজান ঘাটৰ ডিব্ৰু নৈত সংঘটিত হৈছিল এক নাও দুৰ্ঘটনা । উক্ত নাওখনত দিনজানৰ পৰা দধীয়ালৈ বুলি যাত্ৰা কৰিছিল ৮-১০ গৰাকী লোক । সেই সময়তেই নাৱৰ পৰা পৰি যোৱা ব্যক্তিসকলৰ প্ৰাণ ৰক্ষা কৰিবলৈ পাৰতে থকা মনোজ প্ৰায়া নামৰ এজন লোকে নদীত জাঁপ দিয়ে ।
এতিয়াও উদ্ধাৰ হোৱা নাই সন্ধানহীন মনোজ (ETV Bharat Assam)